Віталь Ігаравіч Новік

Віталь Новік
Поўнае імя	Віталь Ігаравіч Новік
Нарадзіўся	9 лістапада 1994(1994-11-09) (31 год) Калінкавічы, Калінкавіцкі раён, Гомельская вобласць, Беларусь
Грамадзянства	Беларусь
Рост	173 см
Вага	65 кг
Пазіцыя	абаронца
Інфармацыя пра клуб
Клуб	Нёман-Белкард
Нумар	32
Клубная кар’ера
2011—2017 Гомель 17 (0) 2017—2018 Спадарожнік (Рэчыца) 8 (0) 2021 Паперпрам (Гомель) 15 (1) 2022— Нёман-Белкард (Гродна) 2 (0)

Віталь Новік (нар. 9 лістапада 1994, Калінкавічы) — беларускі футбаліст, абаронца гродзенскага «Нёмана-Белкарда».

Клубная кар’ера

Пачынаў займацца футболам у родных Калінкавічах, аднак у маладым узросце трапіў у «Гомель», з 2011 года пачаў гуляць за дубль, дзе хутка замацаваўся ў складзе. У 2012 годзе разам з камандай стаў пераможцам турніра дублёраў. 25 лістапада 2012 года дэбютаваў у Вышэйшай лізе, выйшаўшы на замену ў другім тайме матчу супраць бабруйскай «Белшыны» (1:3). У далейшым працягваў трэніравацца з асноўнай камандай, але ў 2013—2014 гадах гуляў толькі за дубль.

У сезоне 2015 года з-за фінансавых праблем «Гомель» пакінулі асноўныя ігракі, і Віталь здолеў замацавацца ў першай камандзе, з лета стаў трывала з’яўляцца ў стартавым складзе. 14 верасня 2015 года ў матчы супраць «Мінска» атрымаў цяжкую траўму, з-за якой выбыў на доўгі тэрмін. У студзені 2016 года на два гады падоўжыў кантракт з «Гомелем». Аднавіўся ад траўмы толькі ўлетку 2016 года, але на поле выхадзіў рэдка, у асноўным застаючыся на лаўцы запасных.

У першай палове сезону 2017 выступаў за дубліруючы склад «Гомеля». У ліпені 2017 года пакінуў каманду і перайшоў у рэчыцкі «Спадарожнік», за які гуляў да 2018 года.

У пачатку 2021 года далучыўся да гомельскага «Паперпрама», а ў 2022 годзе перабраўся ў гродзенскі «Нёман-Белкард».

Дасягненні

• Пераможца Першай лігі чэмпіянату Беларусі: 2016

Статыстыка выступленняў

Сезон	Дывізіён	Клуб	Краіна	Матчы	Галы
2011	дубль	Гомель		27	0
2012	Д1	Гомель		1	0
2013	дубль	Гомель		29	1
2014	дубль	Гомель		31	0
2015	Д1	Гомель		11	0
2016	Д2	Гомель		5	0
2017 (1)	дубль	Гомель		13	1
2017 (2)	Д3	Спадарожнік		3	0
2018	Д3	Спадарожнік		5	0
2021	Д3	Паперпрам		15	1