Гальштучнік

Гальштучнік
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чатырохногія Клас:  Птушкі Падклас:  Нованёбныя Атрад:  Сеўцападобныя Сямейства:  Сяўцовыя Падсямейства:  Сяўцовыя Род:  Зуйкі Від:  Гальштучнік
Міжнародная навуковая назва
Charadrius hiaticula (Linnaeus, 1758)
Ахоўны статус
Выклікаюць найменшыя асцярогі IUCN 3.1 Least Concern : / 22693759
Сістэматыка на Віківідах Выявы на Вікісховішчы ITIS   176504 NCBI   371911 EOL   1049341

Charadrius hiaticula

Га́льштучнік, або Зуёк вялікі (Charadrius hiaticula) — птушка роду Зуйкі (Charadrius) з сямейства Сяўцовыя (Charadriidae).

Невялікая птушка, крыху буйнейшая за вераб’я, трапляецца на пясчаных або галечнікавыя участках на берагах рэк, азёр і мораў. Пералётная птушка. На тэрыторыі Беларусі рэдкі від, адзначана на водмелях і берагах рэк Дняпро, Прыпяць і Сож.

Афарбоўка верхняга боку цела буравата-шэрая, ніжні бок цела белы, на валлі ёсць папярочная паласа чорнага колеру, якая нагадвае гальштук (ад чаго птушка і атрымала сваю назву). Цемя чарнявае, лоб белы, абмежаваны знізу чорнай паласой, якая праходзіць праз вочы. Колер ног і пачатку дзюбы — памяранцава-жоўты. На ўнутраным баку крыла белая паласа, якую відаць у палёце.

Гняздо гальштучніка выглядае як невялікая рытвінка ў пяску, часам з валікам з каменьчыкаў. Самка адкладае 4 жаўтлявых з цёмнымі плямкамі яйкі.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Сайт ГА «Ахова птушак Бацькаўшчыны» Архівавана 18 чэрвеня 2018.