Галіна Пятроўна Маркіна

Галіна Пятроўна Маркіна
Дата нараджэння	23 лістапада 1934(1934-11-23)
Месца нараджэння	Варонеж, Варонежская вобласць, РСФСР, СССР
Дата смерці	1985
Грамадзянства	СССР
Адукацыя	Беларуская дзяржаўная акадэмія мастацтваў
Прафесія	актрыса
Тэатр	Нацыянальны акадэмічны драматычны тэатр імя Якуба Коласа

Галіна Пятроўна Маркіна (нар. 23 лістапада 1934, г. Варонеж — 1985) — беларуская актрыса. Народная артыстка БССР (1976).

Біяграфія

Дачка П. А. Маркіна. Скончыла Беларускі тэатральна-мастацкі інстытут (1956, педагог Дз. Арлоў), адначасова філалагічны факультэт Варонежскага ўніверсітэта. З 1956 актрыса Брэсцкага тэатра імя ЛКСМБ, з 1959 у Беларускім тэатры імя Я. Купалы, з 1961 у Беларускім тэатры імя Я. Коласа.

Выконвае ролі гераінь у сучасным і класічным рэпертуары. Найлепшыя ролі ў беларускай драматургіі: Зося Савіч, Марозава («Сэрца на далоні», «Крыніцы» паводле І. Шамякіна), Корзун («Вайна пад стрэхамі» паводле А. Адамовіча), Маці («Зацюканы апостал» А. Макаёнка). З іншых роляў: Жэнька Шульжэнка («Фабрычная дзяўчына» А. Валодзіна), Ксеня («Разлом» Б. Лаўранёва), Соф'я («Зыкава» М. Горкага), Спірыдонава («Шостага ліпеня» М. Шатрова), Марыя Сцюарт (аднайменная п’еса Ф. Шылера), Беатрычэ («Многа шуму з нічога» У. Шэкспіра), Анісся («Улада цемры» Л. Талстога).

Літаратура

• Маркіна Галіна Пятроўна // Беларуская савецкая энцыклапедыя. У 11 т. Т. 7 / рэдкал.: П. У. Броўка і інш. — Мінск, 1973. — С. 20.