Ганна Іванаўна Сурмач

Ганна Іванаўна Сурмач
Дата нараджэння	4 ліпеня 1947(1947-07-04) (77 гадоў)
Месца нараджэння	Пацавічы, Самуйлавіцкі сельсавет, Мастоўскі раён, Гродзенская вобласць, БССР, СССР
Грамадзянства	Беларусь
Род дзейнасці	гісторык, грамадская дзяячка, дзеяч культуры, архівістка
Месца працы	Дзяржаўны архіў Мінскай вобласці[d] Беларускі дзяржаўны архіў-музей літаратуры і мастацтва Беларуская служба Радыё «Свабода» Беларус
Альма-матар	гістарычны факультэт БДУ (1970)
Узнагароды

Ганна Іванаўна Сурмач (нар. 4 ліпеня 1947, Пацавічы, Мастоўскі раён) — беларускі грамадскі і культурны дзеяч, гісторык, архівіст.

Біяграфія

З сялянскай сям’і. Скончыла Самуйлавіцкую СШ (Мастоўскі раён) у 1965 годзе. У 1965—1970 гадах вучылася на гістарычным факультэце Беларускага дзяржаўнага ўніверсітэта. У 1970—1973 гадах працавала захавальнікам фондаў, старэйшым навуковым супрацоўнікам у Дзяржаўным архіве Мінскай вобласці. У 1973—1977 гадах інспектарам архіўнага аддзела Мінскага аблвыканкама, у 1977—1981 гадах загадчыкам аддзела Дзяржаўнага архіва Мінскай вобласці, у 1982—1993 гадах дырэктарам Цэнтральнага дзяржаўнага архіва-музея літаратуры і мастацтва. У 1993—1999 — старшыня Рады Згуртавання беларусаў свету «Бацькаўшчына» (працавала ў Радзе з 1990 года).

З 1999 года ў Чэхіі, затым у ЗША. Працавала на Радыё «Свабода», кіравала суполкай «Скарына» ў Чэхіі, а ў 2007 годзе была абрана старшынёй Галоўнай управы Беларуска-Амерыканскага задзіночання (БАЗА) і рэдактарам газеты «Беларус». Уваходзіць у склад прэзідыума Рады БНР.

Навуковая дзейнасць

Вывучае гісторыю Беларусі (БНР, «Наша ніва», Слуцкае паўстанне, беларуская дыяспара), архіваў Беларусі. Друкуецца з 1984 года. Суаўтарка кнігі «Жыватворны сімвал Бацькаўшчыны» (1998).

Літаратура

• Сурмач Ганна Іванаўна // Пяткевіч А. М. Людзі культуры з Гродзеншчыны: Даведнік.. — Гродна: ГрДУ, 2000. — 356 с.