Сетыф

Горад Сетыф араб. سطيف‎‎ Краіна Алжыр Правінцыя Сетыф Акруга Сетыф Каардынаты 36°11′00″ пн. ш. 5°24′00″ у. д. Вышыня цэнтра 1096 м Насельніцтва 239 195 чалавек (1998) Часавы пояс UTC+1 Паштовыя індэксы 19000 Сетыф на карце Алжыра

Сетыф на Вікісховішчы

Се́тыф, Сатыф (араб. سطيف, фр. Sétif) — горад на паўночным усходзе Алжыра ў правінцыі Сетыф, размешчаны на вышыні парадку 1096 м над узроўнем мора. Забудова горада тыпова каланіяльная, аднак паблізу захаваліся старажытнарымскі некропаль і руіны буйной візантыйскай крэпасці. Тут базуецца футбольны клуб ЕС Сетыф. Насельніцтва 200 тысяч жыхароў (2001).

Гісторыя

Горад нумідыйскага паходжання быў вядомы рымлянам як Sitifis. У 97 г. імператар Нерва пасяліў тут сваіх ветэранаў. Дзвесце гадоў праз з Маўрэтаніі была адміністрацыйна выдзелена Сітыфенская вобласць. Пасля арабскага нашэсця горад страціў былое значэнне. З 1838 г. — месцазнаходжанне французскага гарнізона і цэнтр буйнога сельскагаспадарчага рэгіёна.

Трагедыя

Сутыкненні мясцовых жыхароў з еўрапейцамі ў 1945 г. панеслі парадку 100 жыццяў. У адказ французы правялі карную аперацыю, вядомую як Сетыфская разня. Яе ахвярамі, як мяркуюць, сталі ад 6 да 8 тысяч мясцовых жыхароў. Алжырскі прэзідэнт Абдэль Азіз Бутэфліка назваў Сетыфскую аперацыю 1945 года пачаткам генацыду алжырскага народа.

Літаратура

• Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш — Мн.: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).

Крыніца

• Сетыф у Брытанскай энцыклапедыі