Дамбула

З пляцоўкі Вікіпедыя
Jump to navigation Jump to search
Горад
Дамбула
දඹුල්ල, தம்புள்ளை
Dambulla 01.jpg
Уваход у Залаты храм
Краіна
Каардынаты
Вышыня цэнтра
213 м
Афіцыйная мова
Насельніцтва
66716 чалавек (2012)
Нацыянальны склад
Канфесійны склад
Часавы пояс
Дамбула на карце Шры-Ланкі
Дамбула (Шры-Ланка)
Дамбула

Дамбула (сінгальск.: දඹුල්ල, там.: தம்புள்ளை) - горад у Цэнтральнай правінцыі Шры-Ланкі. Насельніцтва - 66716 (2012 г.)[1]

Гісторыя[правіць | правіць зыходнік]

Людзі пасяліліся на месцы Дамбулы каля 5 тысяч гадоў таму. У I ст. да н. э. пячоры на гары ў межах сучаснага горада прыцягнулі да сябе будысцкіх манахаў. Згодна паданню, у іх хаваўся сінгальскі прынц Валагамба. Пасля 14 гадоў выгнання ён вярнуўся ў Анурадхапуру і стаў яе валадаром. Удзячны за сховішча пад час пераследу з боку сваіх ворагаў, ён падараваў гару і пячоры манахам для заснавання кляштара.

На працягу стагоддзяў кляштар і паселішча вакол яго некалькі разоў пакідаліся людзьмі, але працягвалі заставацца месцамі для паломніцтваў. У 1848 г. будысцкія святары ператварылі Дамбулу ў адзін з галоўных цэнтраў адраджэння будызму на Шры-Ланцы. Гэта садзейнічала росту і развіццю горада, які ператварыўся ў важны рэлігійны і транзітны цэнтр.

У 1991 г. Залаты храм Дамбулы трапіў у спіс сусветнай спадчыны ЮНЕСКА.

У 2012 г. у Дамбуле адбыліся сутычкі паміж сінгаламі-будыстамі і маўрамі Шры-Ланкі, якія спавядаюць іслам. Акрамя таго, урадам Шры-Ланкі праводзілася расследаванне дзейнасці мясцовай адміністрацыі. Яно скончылася арыштам мэра горада і яго абвінавачваннем у карупцыі.

Эканоміка[правіць | правіць зыходнік]

Дамбула месціцца ў 148 км ад Каломба, 72 км ад Канды, 68 км ад Анурадхапуры, 66 км ад Паланарувы і каля 20 км ад Сігірыі. У гэтай сувязі горад прыцягальны як транзітны цэнтр для шматлікіх паломнікаў і бюджэтных турыстаў. Большая частка мясцовай эканомікі абапіраецца на сферу абслугоўвання. У межах горада працуе адзін з найбуйнейшых на Шры-Ланцы аптовых рынкаў сельскагаспадарчай прадукцыі.

Славутыя мясціны[правіць | правіць зыходнік]

У адной з пячор Залатога храма
Сцяг ЮНЕСКА Сусветная спадчына ЮНЕСКА, аб'ект № 561
рус.англ.фр.


Зноскі

Спасылкі[правіць | правіць зыходнік]