Дваццаць восьмая зорка

Дваццаць восьмая зорка
Студыйны альбом Мроя
Дата выпуску	1990
Запісаны	1989
Жанр	Рок
Працягласць	38:24
Мова песень	Беларуская
Лэйбл	Мелодыя
Храналогія N.R.M. і Мроя
Студыя БМ (1988) Дваццаць восьмая зорка Біяполе (1991)

Дваццаць восьмая зорка — альбом беларускага рок-гурта Мроя, запісаны ў 1989 годзе, выдадзены ў 1990 і перавыдадзены ў 1997 ды 2009 гадах.

Змест

№	Назва	Працягласць
1.	«Дваццаць Восьмая Зорка»	5:08
2.	«Мама-мафія»	3:42
3.	«Шмат»	4:49
4.	«Кастрычніцкі Цягнік»	5:31
5.	«Апошні Iнспэктар»	7:53
6.	«Аўстралійская Полька»	3:05
7.	«Зямля»	4:05
8.	«Я — рок-музыкант»	4:17

Бонусы перавыдання
№	Назва	Працягласць
1.	«Паляваньне На Вядзьмарак»	4:20
2.	«Ён Яшчэ Вернецца»	3:10
3.	«Я — рок-музыкант» (відэа)	3:52

Удзельнікі

• Алег Дземідовіч: ударная ўстаноўка, дадатковы спеў
• Юрась Ляўкоў: бас-гітара, дадатковы спеў
• Лявон Вольскі: спеў, клавішы
• Венедыкт Конеў-Петушкевіч: гітара, дадатковы спеў

Дадатковыя звесткі

Улетку 1989 года беларускія музычныя журналісты Анатоль Мяльгуй і Вітаўт Мартыненка пішуць ліст на ўсесаюзную фірму грамзапіса «Мелодыя» з прапановай зрабіць запіс песень таленавітых музыкаў з гурта Мроя з наступным іх выданнем. Акрамя гэтага яны апублікавалі дзясяткі артыкулаў, каб прыцягнуць увагу да катастрафічнага стану беларускай музыкі. Кіраўнікі «Мелодыі» адрэагавалі даволі хутка і праз некалькі месяцаў даслалі ў Мінск вялікую перасоўную станцыю МСА дзеля запісу альбома гурта.

На пласцінку, якая выйшла масавым накладам у 1990 годзе, патрапіла 8 песень. Музыкі стварылі невытлумачальную і запатрабаваную «перабудовачным» слухачом атмасферу: цяжкі хардавы гук, надрыўны вакал і абавязковая сацыяльная заклапочанасць у тэкстах. Вокладку аформілі ў цьмяных традыцыях англійскага гурта Pink Floyd: Вольскі і Дземідовіч зрабілі з пластыліну твары ўдзельнікаў гурта, абгарнулі пап’е-машэ і сфатаграфавалі.

У 1997 годзе альбом быў перавыдадзены на касеце фірмай BMAgroup.

У 2006 песня «Шмат» з гэтага альбому была ўключаная ў зборнік «Чарнобыльскі вецер».

У 2009 годзе BMAgroup перавыдала альбом на CD у серыі «Беларускі Музычны Архіў». У перавыданне дадаткова ўвайшлі песні «Паляваньне на вядзьмарак» і «Ён яшчэ вернецца», а таксама кліп і відэа-запіс песні «Я — рок-музыкант» з канцэрта «Музыкі свету — дзецям Чарнобыля», які адбыўся ў 1993 годзе.

Спасылкі

• Будкін Сяргей, Сьвярдлоў Павал, Жбанкоў Максім. Залатыя дыскі беларускага рок-н-рола. Гурт Мроя