Джозеф Генры

Джозеф Генры
Joseph Henry
Дата нараджэння	17 снежня 1797(1797-12-17)[…]
Месца нараджэння	Олбані, акруга Олбані[d], штат Нью-Ёрк, ЗША
Дата смерці	13 мая 1878(1878-05-13)[…] (80 гадоў)
Месца смерці	Вашынгтон, акруга Калумбія, ЗША
Месца пахавання	могілкі Оўк-Хіл[d]
Грамадзянства	ЗША
Дзеці	Mary Henry[d]
Род дзейнасці	фізік, выкладчык універсітэта, інжынер, метэаролаг, мастацтвазнавец
Навуковая сфера	Фізіка
Месца працы	Прынстанскі ўніверсітэт Смітсанаўскі інстытут
Альма-матар	Акадэмія Олбані[d]
Вядомы як	Даследчык электрамагнітнай індукцыі
Член у	Леапальдзіна Амерыканская акадэмія мастацтваў і навук Нацыянальная акадэмія дэі Лінчэі Амерыканскае антыкварнае таварыства[d] Нацыянальная акадэмія навук ЗША
Узнагароды	член Амерыканскай акадэміі мастацтваў і навук
Подпіс
Медыяфайлы на Вікісховішчы

Джозеф Генры (англ.: Joseph Henry; 17 снежня 1797 — 13 мая 1878) — амерыканскі фізік, першы сакратар Смітсанаўскага інстытута. Генры лічыўся адным з найвялікшых амерыканскіх навукоўцаў з часоў Бенджаміна Франкліна. Ствараючы магніты, Генры адкрыў новую з’яву ў электрамагнетызме — самаіндукцыю. Незалежна ад Фарадэя Генры выявіў узаемаіндукцыю, але Фарадэй раней апублікаваў свае вынікі. Яго працы па электрамагнітных рэле былі асновай для электрычнага тэлеграфа, вынайдзенага Сэмюэлем Морзэ і Чарльзам Уітстанам незалежна ад Генры.

Генры ўваходзіў у лік першых 50 выбітных навукоўцаў, уключаных прэзідэнтам Лінкальнам у склад Нацыянальнай Акадэміі навук ЗША (1863 г.), і з 1868 г. да канца жыцця быў яе нязменным прэзідэнтам. У гонар Джозефа Генры названая адзінка індуктыўнасці ў сістэме СІ — «генры».

Кар’ера

Помнік Джозефу Генры перад будынкам Смітсанаўскага інстытута

• 1826 — прафесар матэматыкі і натуральнай філасофіі ў Олбанскай акадэміі, Нью-Ёрк
• 1832 — прафесар у Прынстане
• 1835 — вынаходзіць электрамеханічнае рэле
• 1846 — першы сакратар Смітсанаўскага інстытута, да 1878
• 1848 — рэдагуе кнігу Г. Сквайра і Э. Дэвіса «Старажытныя помнікі даліны Місісіпі» — першую публікацыю інстытута.
• 1852 — абраны ў Дзяржаўны Савет па маяках
• 1871 — прызначаны старшынёй Савета па маяках
• З 1868 і давеку — другі прэзідэнт Нацыянальнай Акадэміі навук ЗША.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 158. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• The Joseph Henry Papers Project Архівавана 16 студзеня 2009.