Джэйн Чжан

З Вікіпедыі, свабоднай энцыклапедыі
Джэйн Чжан
Асноўная інфармацыя
Дата нараджэння 11 кастрычніка 1984(1984-10-11) (39 гадоў)
Месца нараджэння
Краіна
Альма-матар
Музычная дзейнасць
Прафесіі аўтар-выканаўца, студыйны музыкант, спявачка
Пеўчы голас сапрана
Інструменты губны гармонік і вакал[d]
Жанры mandopop[d]
Узнагароды
jane.social
Лагатып Вікісховішча Медыяфайлы на Вікісховішчы

Чжан Лян’ін (кіт. спр. 张靓颖, піньінь Zhāng Liàngyǐng), больш вядомая як Джэйн Чжан (англ.: Jane Zhang, 11 кастрычніка 1984, Чэнду) — кітайская поп-спявачка. Вядомасць атрымала ў 2005 годзе на кітайскім тэлевізійным музычным конкурсе Super Girl  (англ.) (бел.. На працягу конкурсу яна выконвала песні як на кітайскай, так і на англійскай і іспанскай мовах.

Джэйн Чжан вядомая сваёй моцнай і адпрацаванай вакальнай тэхнікай, за што яе параўноўваюць з Мэраяй Кэры, Крысцінай Агілерай і Сарай Брайтман  (руск.) (бел.. Яе свістковы рэгістр  (руск.) (бел. чымсьці нагадвае спевы дэльфінаў, за што сама Чжан атрымала на радзіме мянушку «прынцэса-дэльфін»[1].

Біяграфія[правіць | правіць зыходнік]

Дзяцінства і юнацтва[правіць | правіць зыходнік]

Джэйн Чжан нарадзілася 11 кастрычніка 1984 года ў Чэнду, правінцыя Сычуань. Яе бацька працаваў кіроўцам у буйной транспартнай кампаніі, а маці была прадаўцом. Калі Джэйн было 13 гадоў, яе бацькі развяліся, а праз два гады памёр бацька[2]. Гэта прымусіла яе шукаць працу акрамя школы, і Джэйн пачала спяваць у бліжэйшым пабе.

Падчас працы ў пабе Джэйн эксперыментавала з рознымі музычнымі стылямі і развівала густ да такіх заходніх поп-зорак, як Мэрая Кэры і Крысціна Агілера. Не маючы магчымасці дазволіць сабе музычныя прыналежнасці, яна часта займала ў аднакласнікаў плэеры і навушнікі, а таксама прапускала абеды, каб на зэканомленыя грошы купіць касеты. Пасля школы Джэйн вучылася ў Сычуаньскім універсітэце на факультэце замежных моў; пазней яна кінула яго, каб удзельнічаць у конкурсе Super Girl  (англ.) (бел..

Super Girl 2005[правіць | правіць зыходнік]

У 2005 годзе Джэйн Чжан праслухоўвалася для ўдзелу ў Нацыянальным конкурсе Super Girl, кітайскім аналагу медыя-франшызы Idol, толькі для выключна жанчын-канкурсантак. Яна прайшла адбор у родным Чэнду і трапіла ў лік канкурсантаў Нацыянальнага конкурсу разам з Крыс Лі  (англ.) (бел. і Хэ Дзэ  (англ.) (бел..

Выступленне Джэйн прынесла маладой зорцы шмат прыхільнікаў, якія называлі сябе «Лян Фэн» (Лян), аб’яднаўшы ў гэтай фразе кітайскае вымаўленне імя Лян’ін і англійскае слова fan (прыхільнік). У выніку, за Джэйн Чжан прагаласавала 1.3 млн чалавек. Яна заняла трэцяе месца, саступіўшы Крыс Лі  (англ.) (бел. і Бібі Чжоў  (англ.) (бел..

Далейшая кар’ера[правіць | правіць зыходнік]

Дэбютны поўнафарматны альбом Джэйн пад назвай «The One» быў выпушчаны 11 кастрычніка 2006 года, у яе 22-і дзень нараджэння. Альбом складаецца з 10 кампазіцый, 3 з якіх выкананы на англійскай мове. Яна таксама запісвала мноства кампазіцый для кінафільмаў і серыялаў, якія пасля ўзначальвалі кітайскія чарты. Песня «Only for Love», запісаная разам са знакамітым кітайскім піяністам Лан Ланам  (руск.) (бел., была ўдастоена Ганконгскай кінапрэміі  (руск.) (бел. 2006 года ў намінацыі «Лепшая песня».

2 жніўня 2007 года быў выпушчаны другі альбом Джэйн Чжан, які атрымаў назву «Update». Каментуючы назву альбома, Джэйн патлумачыла яго як наступны і больш якасны этап пасля «The One». «Update» «падарваў» кітайскую поп-сцэну сваім камбінаваннем элементаў R&B і джаза. 8 снежня 2007 года Джэйн выступіла ў родным Чэнду, выконваючы лепшыя хіты з першага і другога альбома, а таксама яшчэ не выпушчанага EP «Dear Jane». Яна таксама запісала промапесню «I Love this City».

У студзені 2009 года выйшаў яе трэці альбом «Jane@Music». У маі таго ж года Джэйн з’явілася на Шоў Опры Уінфры  (руск.) (бел. ў ЗША.

«Believe in Jane», чацвёрты поўнафарматны альбом Чжан, быў выпушчаны ў лютым 2010 года. Яна таксама выступіла на першым штогадовым кітайскім кінафестывалі ў Нью-Ёрку, дзе была прызнала самай папулярнай кітайскай выканаўцай. Пазней яна прадстаўляла Кітай на 7 фестывалі песні ў Карэі. У жніўні таго ж года яна правяла гастрольны тур па такіх гарадах, як Пекін, Шанхай, Чэнду і Цяньцзінь.

Дыскаграфія[правіць | правіць зыходнік]

Альбомы[правіць | правіць зыходнік]

  • 2006: Jane.Love EP
  • 2006: The One
  • 2007: Update
  • 2007: Dear Jane EP
  • 2009: Jane@Music
  • 2010: Believe in Jane
  • 2011: Reform
  • 2014: The Seventh Sense
Год Сінгл Найвышэйшыя пазіцыі
Chinese Music Chart Global Chinese Music Chart 9+2 Music Pioneer Chart 98.8 FM Malaysia Chart
2006 «光芒»[3] 1 (7) 3 (5) 6 (7) -
«梦想»[4] 3 (4) 10 (6) - -
«这该死的爱»[5] - - 6 (7) -
«如果爱下去»[6] - - 5 (6) -
2007 «身体语言»[7] - - 15 (7) -
«我们说好的»[8] 1 (13) 5 (7) 4 (9) -
«Dream Party»[9] 1 (7) 3 (7) - -
«我走以后»[10] - 10 (2) 19 (1) -
2008 «Dear Jane»[11] - - 7 (4) -
«围城»[12] 1 (2) 4 (3) - -
2009 «那不会是爱吧»[13] 1 (12) 7 (4) 1 (7) 14 (4)
«孩子的眼睛»[14] 1 (10) 7 (5) 12 (5) -
Сінглы #1 6 - 1 -

Зноскі

  1. ↑ ГОЛОС КИТАЯ(недаступная спасылка). Дмитрий Комм (10 студзеня 2014). Архівавана з першакрыніцы 16 студзеня 2014. Праверана 8 мая 2023.
  2. ↑ Джейн Чжан(недаступная спасылка). Starla (11 ліпеня 2012). Архівавана з першакрыніцы 18 сакавіка 2014. Праверана 8 мая 2023.
  3. ↑ 光芒 (кіт.). Inkui (13 мая 2009).
  4. ↑ 梦想 (кіт.). Inkui (13 мая 2009).
  5. ↑ 这该死的爱 (кіт.). Inkui (13 мая 2009).
  6. ↑ 如果爱下去 (кіт.). Inkui (13 мая 2009).
  7. ↑ 身体语言 (кіт.). Inkui (13 мая 2009).
  8. ↑ 我们说好的 (кіт.). Inkui (13 мая 2009).
  9. ↑ Dream Party (кіт.). Inkui (13 мая 2009).
  10. ↑ 我走以后 (кіт.). Inkui (13 мая 2009).
  11. ↑ Dear Jane (кіт.). Inkui (13 мая 2009).
  12. ↑ 围城 (кіт.). Inkui.
  13. ↑ 那不会是爱吧 (кіт.). Inkui (13 мая 2009).
  14. ↑ 孩子的眼睛. Inkui (13 мая 2009).

Спасылкі[правіць | правіць зыходнік]

commons: Джэйн Чжан на Вікісховішчы

Узята з "https://be.wikipedia.org/w/index.php?title=Джэйн_Чжан&oldid=4522708"