Дзмітрый Фёдаравіч Грэчушкін

Дзмітрый Фёдаравіч Грэчушкін
Дзмітрый Фёдаравіч Грэчушкін
	Дмитрий Фёдорович Гречушкин
Дата нараджэння	10 красавіка 1921
Месца нараджэння	Талкаеўка[d], Сарочынскі раён[d], Арэнбургская вобласць, РСФСР;
Дата смерці	30 верасня 1943 (22 гады)
Месца смерці	Брагінскі раён, Палеская вобласць, БССР, СССР;
Месца пахавання	Брагінскі раён;
Грамадзянства	СССР;
Прыналежнасць	СССР
Род войскаў	кавалерыя
Гады службы	1940—1943
Званне	Лейтэнант
Бітвы/войны	Вялікая Айчынная вайна
	Медыяфайлы на Вікісховішчы

Дзмітрый Фёдаравіч Грэчушкін (1921—1943) — лейтэнант Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1944).

Біяграфія

Дзмітрый Грэчушкін нарадзіўся 10 красавіка 1921 года ў вёсцы Талкаеўка (цяпер — Сарачынскі раён Арэнбургскай вобласці) у сям’і селяніна. Скончыў тэхнікум сувязі ў Ташкенце. У 1940 годзе Грэчушкін быў прызваны на службу ў Рабоча-сялянскую Чырвоную Армію. У 1942 годзе ён скончыў Тамбоўскае кавалерыйскаее вучылішча. З красавіка 1943 года — на франтах Вялікай Айчыннай вайны. У званні гвардыі лейтэнанта Дзмітрый Грэчушкін камандаваў узводам супрацьтанкавых стрэльбаў 4-га эскадрону 60-га гвардзейскага кавалерыйскага палка 16-й гвардзейскай кавалерыйскай дывізіі 7-га гвардзейскага кавалерыйскага корпуса 61-й арміі Цэнтральнага фронту. Вызначыўся падчас бітвы за Дняпро^[1].

27 верасня 1943 года Грэчушкін пераправіўся праз Дняпро у раёне вёскі Ніўкі Брагінскага раёна Гомельскай вобласці Беларускай ССР. Яго ўзвод адразу ж падвергнуўся нападу варожых танкавых падраздзяленняў і, адбіваючы гэтую атаку, знішчыў некалькі танкаў, чым забяспечыў паспяховую пераправу іншых падраздзяленняў палка. 30 верасня 1943 года ў ходзе бою за вёску Галкі таго ж раёна Грачушкін асабіста падпаліў 5 нямецкіх танкаў, але і сам загінуў у тым баі. Пахаваны ў пасёлку Камарын^[1].

Указам Прэзідыума Вярхоўнага Савета СССР ад 15 студзеня 1944 года за «ўзорнае выкананне баявога задання камандавання ў барацьбе з нямецкімі захопнікамі і праяўленыя пры гэтым мужнасць і гераізм» гвардыі лейтэнант Дзмітрый Грачушкін пасмяротна быў удастоены высокага звання Героя Савецкага Саюза^[2]. Таксама быў узнагароджаны ордэнамі Леніна і Айчыннай вайны 1-й ступені^[1].

У гонар Грэчушкіна названыя тэхнікум сувязі і вуліца ў Ташкенце, вуліца ў Камарыне^[1].

Зноскі

↑ ^а ^б ^в ^г Дзмітрый Фёдаравіч Грэчушкін на сайце «Героі краіны»
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Ахмадиев Т. Х. Башкирская гвардейская кавалерийская. Уфа, 1999.
Березняк Н. Г. Герои Советского Союза — узбекистанцы. Ташкент 1984.
Навечно в сердце народном. 3-е изд. доп. и испр. Минск, 1984.
Слава башкирских конников. Уфа: Китап, 2005.

[wh-1] а ^б ^в ^г Дзмітрый Фёдаравіч Грэчушкін на сайце «Героі краіны»

[2] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

[1]

[2]