Довер (Дэлавэр)

З пляцоўкі Вікіпедыя
Перайсці да: рух, знайсці
Горад
Довер
Dover

Dover Delaware.jpg

Краіна
Штат
Каардынаты
Мэр
Карлтан Кэры
Заснаваны
Горад з
Плошча
58,8 км²
Вышыня цэнтра
11 м
Тып клімату
Насельніцтва
36 047 чалавек (2010)
Шчыльнасць
617 чал./км²
Агламерацыя
152 255 чалавек
Часавы пояс
Тэлефонны код
302
Паштовыя індэксы
19901-19906
Афіцыйны сайт
cityofdover.com (англ.) 
Довер на карце ЗША
Довер (Дэлавэр) (ЗША)
Довер (Дэлавэр)

Довер[1] (англ.: Dover) — горад у ЗША, сталіца штата Дэлавэр і адміністрацыйны цэнтр акругі Кент. У 2010 годзе насельніцтва горада складала 36047 чалавек. Паблізу горада размешчана авіябаза Довер.

Гісторыя[правіць | правіць зыходнік]

Довер быў заснаваны як месца размяшчэння суда для зноў створанай акругі Кент у 1683 годзе Уільямам Пенам, заснавальнікам Пенсільваніі і ўладальнікам тэрыторыі, вядомай як «Ніжнія акругі на Дэлавэр», і атрымаў сваю назву ў гонар брытанскага горада Дуўр. Пазней, у 1717, гораду быў дадзены афіцыйны статус спецыяльнай камісіяй Генеральнай Асамблеі штата Дэлавэр.

Сталіца штата Дэлавэр была перанесены сюды з Ньюкасла ў 1777 годзе з-за цэнтральнага размяшчэння Довера і адноснай бяспекі ад брытанскіх рэйдаў на рацэ Дэлавэр. Згодна з актам, прынятым у кастрычніку 1779, Асамблея выбірала для пасяджэнняў любое падыходзячае месца, збіраючыся ў гарадах Уілмінгтан, Льюіс, Довер, Ньюкасл і зноў у Льюісе, пакуль, нарэшце, не спынілася канчаткова ў Доверы ў кастрычніку 1781 года.

Геаграфія і клімат[правіць | правіць зыходнік]

Плошча горада складае каля 59 кв.км з якіх суша займае каля 58 кв.км. Клімат — субтрапічны акіянічны, мякчэе за кошт уплыву Дэлавэрскага заліва і ахоўнага дзеяння Апалачаў. Зіма — мяккая, звычайна за год выпадае каля 36 см снегу, аднак, як правіла, ён не застаецца на зямлі занадта доўга. Лета — гарачае і вільготнае, амаль трапічнае, з 29 днямі ў годзе з тэмпературай, якая дасягае або перавышае 32°С. Вясна і восень працяглыя. Ападкі распаўсюджваюцца на працягу года даволі раўнамерна.

Клімат Довера
Паказчык Сту Лют Сак Кра Май Чэр Ліп Жні Вер Кас Ліс Сне Год
Сярэдні максімум, °C 6,5 8,2 12,9 18,6 23,8 28,3 30,8 29,7 26,4 20,6 14,8 9,1 19,2
Сярэдняя тэмпература, °C 1,8 3,2 7,4 14,6 18,0 22,7 25,4 24,6 21,0 14,9 8,5 4,4 13,8
Сярэдні мінімум, °C −2,8 −1,9 2,0 6,6 12,1 17,1 20,1 19,4 15,7 9,2 4,3 −0,3 8,4
Норма ападкаў, мм 100 77 112 88 109 96 106 120 116 83 80 89 1 176
Крыніца: Надвор'е і клімат

Насельніцтва[правіць | правіць зыходнік]

Паводле даных перапісу 2010 года насельніцтва горада складала 36 047 чалавек, мелася 12 340 хатніх гаспадарак і пражывала 7 502 сям'і.

Расавы склад насельніцтва:

Сярэднегадавы даход 19 445 долараў ЗША на душу насельніцтва (даныя 2000 года). Сярэдні ўзрост гараджан — 33 года.

Узровень злачыннасці ў горадзе высокі, але большая частка злачынстваў здзяйсняецца ў «чорных» раёнах.

Спасылкі[правіць | правіць зыходнік]

Зноскі

  1. Напісанне Довер у адпаведнасці з картай у арт. Дэлавэр // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — 480 с.: іл. ISBN 985-11-0090-0 (т. 4), ISBN 985-11-0035-8