Дом Крукоўскага
Славутасць | |
Дом Крукоўскага | |
---|---|
![]() Сучасны выгляд дома № 9. Фасад па Камсамольскай вуліцы | |
53°54′09″ пн. ш. 27°33′07″ у. д.HGЯO | |
Краіна |
![]() |
Горад | |
Дата пабудовы | XIX ст. |
Статус |
![]() |
![]() |
Дом Крукоўскага — будынак у Мінску, размешчаны ў квартале, які прымыкае да Верхняга Горада, па адрасе вуліца Рэвалюцыйная, 9, на рагу з Камсамольскай вуліцай. Пабудаваны ў XIX ст. з цэглы.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/5/5c/Miensk%2C_Felicyjana%C5%ADskaja-Kojdana%C5%ADskaja._%D0%9C%D0%B5%D0%BD%D1%81%D0%BA%2C_%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F-%D0%9A%D0%BE%D0%B9%D0%B4%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281941%29.jpg/220px-Miensk%2C_Felicyjana%C5%ADskaja-Kojdana%C5%ADskaja._%D0%9C%D0%B5%D0%BD%D1%81%D0%BA%2C_%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F-%D0%9A%D0%BE%D0%B9%D0%B4%D0%B0%D0%BD%D0%B0%D1%9E%D1%81%D0%BA%D0%B0%D1%8F_%281941%29.jpg)
![](http://upload.wikimedia.org/wikipedia/commons/thumb/0/0d/Miensk%2C_Kojdana%C5%ADskaja-Felicyjana%C5%ADskaja._%D0%9C%D0%B5%D0%BD%D1%81%D0%BA%2C_%D0%9A%D0%BE%D0%B9%D0%B4%D0%B0%D0%BD%D0%B0%D1%9E%D1%81%D0%BA%D0%B0%D1%8F-%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F_%2807.1944%29.jpg/220px-Miensk%2C_Kojdana%C5%ADskaja-Felicyjana%C5%ADskaja._%D0%9C%D0%B5%D0%BD%D1%81%D0%BA%2C_%D0%9A%D0%BE%D0%B9%D0%B4%D0%B0%D0%BD%D0%B0%D1%9E%D1%81%D0%BA%D0%B0%D1%8F-%D0%A4%D1%8D%D0%BB%D1%96%D1%86%D1%8B%D1%8F%D0%BD%D0%B0%D1%9E%D1%81%D0%BA%D0%B0%D1%8F_%2807.1944%29.jpg)
![](http://upload.wikimedia.org/wikipedia/commons/thumb/1/19/%D0%A0%D1%8D%D0%B2%D0%B0%D0%BB%D1%8E%D1%86%D1%8B%D0%B9%D0%BD%D0%B0%D1%8F_%E2%84%969_%D1%96_9%D0%90_%D0%B7_%D0%9D%D1%8F%D0%BC%D1%96%D0%B3%D1%96_%281944-49%29.jpg/220px-%D0%A0%D1%8D%D0%B2%D0%B0%D0%BB%D1%8E%D1%86%D1%8B%D0%B9%D0%BD%D0%B0%D1%8F_%E2%84%969_%D1%96_9%D0%90_%D0%B7_%D0%9D%D1%8F%D0%BC%D1%96%D0%B3%D1%96_%281944-49%29.jpg)
У XIX стагоддзі на гэтым зямельным пляцы існавала драўляная і мураваная забудова, якая была моцна пашкоджана падчас вялікага пажару 1881 года[1].
Адразу пасля пажару быў распрацаваны праект на будаўніцтва новага мураванага дома, які галоўным фасадам выходзіў на вуліцу Койданаўскую. Гэта было трохпавярховае прамавугольнае ў плане збудаванне, накрытае двухсхільным дахам, які быў аддзелены ад сцяны прафіляваным карнізам. Сіметрычны па кампазіцыі галоўны фасад быў падзелены на ярусы прафіляванымі цягамі. У цэнтры будынка знаходзілася праязная арка, перакрытая скляпеннямі. Рытм фасадаў ствараўся сеткай прамавугольных і лучковых аконных праёмаў. Аконныя і дзвярныя праёмы першага паверха не мелі ліштваў. Вокны другога паверха былі аздоблены сандрыкамі. У двары знаходзіўся комплекс мураваных і драўляных гаспадарчых пабудоў[1].
У канцы XIX стагоддзя ўладальнікам гэтага будынка з’яўляўся мінскі мешчанін Іван Крукоўскі[1].
Паводле інвентарызацыі 1910 года большую частку памяшканняў першага і другога паверхаў у доме Крукоўскага займала гасцініца, якая мела 13 нумароў. Значная частка трэцяга паверха выкарыстоўвалася пад жылыя кватэры. Акрамя таго, на першым паверсе знаходзілася бакалейная лаўка, а таксама гадзіннікавыя майстэрня і крама[1].
Пасля 1920 года былы дом Крукоўскага нацыяналізаваны[1].
![](http://upload.wikimedia.org/wikipedia/commons/thumb/d/d0/%D0%9C%D1%96%D0%BD%D1%81%D0%BA._%D0%B2%D1%83%D0%BB%D1%96%D1%86%D0%B0_%D0%A0%D1%8D%D0%B2%D0%B0%D0%BB%D1%8E%D1%86%D1%8B%D0%B9%D0%BD%D0%B0%D1%8F._2012_%2821%29.jpg/220px-%D0%9C%D1%96%D0%BD%D1%81%D0%BA._%D0%B2%D1%83%D0%BB%D1%96%D1%86%D0%B0_%D0%A0%D1%8D%D0%B2%D0%B0%D0%BB%D1%8E%D1%86%D1%8B%D0%B9%D0%BD%D0%B0%D1%8F._2012_%2821%29.jpg)
У часы Другой сусветнай вайны моцна пацярпеў. Пасля вайны значная частка будынка разбурана, на месцы якой ў 1950-я гады быў пабудаваны вялікі трохпавярховы будынак, які галоўным фасадам выходзіў на вуліцу Камсамольскую[1].
Зноскі
Спасылкі[правіць | правіць зыходнік]
На Вікісховішчы ёсць медыяфайлы па тэме Дом Крукоўскага
- БУДЫНАК № 9 ДОМ І ГАТЭЛЬ КРУКОЎСКАГА