Дом па вуліцы Карла Маркса, 55 (Брэст)

Славутасць
Дом па вуліцы Карла Маркса, 55
52°05′23″ пн. ш. 23°41′19″ у. д.
Краіна	Беларусь
Месцазнаходжанне	Брэст
Дата пабудовы	XIX—XX
Статус	Гісторыка-культурная каштоўнасць Беларусі, шыфр 112Е000002

Дом па вуліцы Карла Маркса, 55 — будынак у Брэсце, размешчаны ў гістарычным цэнтры горада. Пабудаваны ў другой палове XIX — пачатку XX ст. з цэглы. Разам з дамамі № 43, 53, 57, 60, 66 і 70 утварае ансамбль.

Архітэктура

Двухпавярховы, з асіметрычным складаным планам. Галоўны сіметрычны фасад фланкіраваны неглыбокімі рызалітамі з руставанымі лапаткамі і багата аздобленымі аконнымі праёмамі (ляпны картуш, карынфскія пілястры). Пад карнізам па ўсім фасадзе праходзіць дэкаратыўны пояс з сухарыкамі. Балконы з чыгуннай літай агароджай апіраюцца на кранштэйны.

Літаратура

• 27. Забудова вуліцы Карла Маркса // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх