Дэвальвацыя

З Вікіпедыі, свабоднай энцыклапедыі

Дэвальва́цыя — зніжэнне залатога зместу грашовай адзінкі ва ўмовах залатога стандарту. У сучасных умовах тэрмін ужываецца для сітуацый значнага зніжэння курсу нацыянальнай валюты адносна цвёрдых валют (звычайна, долару ЗША, еўра, SDR). Дэвальвацыя разглядаецца як інструмент цэнтральных банкаў у кіраванні нацыянальнай валютай, супрацьлеглы рэвальвацыі.

Ва ўмовах вагання валютнага курсу не адбываецца прамога афіцыйнага прызначэння каштоўнасці нацыянальнай валюты. Цэнтральны банк можа хіба ўскоснымі метадамі (валютнымі інтэрвенцыямі) змяняць курс. У гэтых умовах дэвальвацыя будзе не вынікам прыняцця афіцыйнага дакументу, а вынікам змянення каштоўнасці валюты пад уздзеяннем рыначных механізмаў.

Найбольшыя дэвальвацыі[правіць | правіць зыходнік]

Спіс найбольшых дэвальвацый пасля 1990 года[1].

Краіна Год Велічыня, %
Сцяг Беларусі Беларусь 2011 54,4
Сцяг Аргенціны Аргенціна 2002 54
Сцяг Эфіопіі Эфіопія 1992 54
Сцяг Расіі Расія 1998 38
Сцяг Беларусі Беларусь 1999 37
Сцяг Інданезіі Інданезія 1998 37
Сцяг Мексікі Мексіка 1995 36
Сцяг Паўднёвай Карэі Рэспубліка Карэя 1997 34
Сцяг Бразіліі Бразілія 1999 33
Сцяг Уругвая Уругвай 2002 29
Сцяг Эквадора Эквадор 1999 29

Беларусь[правіць | правіць зыходнік]

Курс беларускага рубля з 2009 года прывязаны да «кошыку валют», у які ўваходзяць долар ЗША, еўра і расійскі рубель.[2] На 2011 год калідор ваганняў курсу беларускага рубля адносна кошыка валют устаноўлены ў межах ±12%[3]. 23 мая 2011 года Беларусь пабіла сусветны рэкорд па дэвальвацыі нацыянальнай валюты — рубель быў дэвальваваны на 54,4%. Беларуская дэвальвацыя, паводле звестак Сусветнага банка, стала самай вялікай за 20-гадовую сусветную гісторыю, абагнаўшы эфіопскую 1992 года і аргенцінскую 2002 года[1].

Гл. таксама[правіць | правіць зыходнік]

Зноскі

Спасылкі[правіць | правіць зыходнік]