Юрый Караль Хадкевіч

Юрый Караль Хадкевіч
9-ы абозны вялікі літоўскі 1678 — 1691
Папярэднік	Баніфацый Тэафіл Пац
Пераемнік	Ян Казімір Валовіч
Нараджэнне	2 жніўня 1646(1646-08-02) Блудзень, Берасцейскі павет, Берасцейскае ваяводства, Вялікае Княства Літоўскае
Смерць	17 жніўня 1691(1691-08-17) (45 гадоў)
Месца пахавання	Супрасльскі Дабравешчанскі манастыр
Род	Хадкевічы
Бацька	Геранім Караль Хадкевіч[d]
Маці	Ізабела з Ляцкіх[d]
Жонка	Марыяна Тэкля з Нарушэвічаў[d][…]
Дзеці	Ян Караль Хадкевіч і Яана з Хадкевічаў[d]
Грамадзянства	Рэч Паспалітая

Юрый Караль Хадкевіч (2 жніўня 1646, м. Блудзень — 1691) — вялікалітоўскі дзяржаўны дзеяч. Абозны вялікі літоўскі (з 1678), палкоўнік каралеўскі, стараста блудзенскі.

Біяграфія

Нарадзіўся ў шляхецкай сям’і герба «Касцеша» Ераніма Хадкевіча (1621—1650) і Ізабелы Трызнай (1625—1696).

Пасля бацькі атрымаў ва ўладанне староства Блудзенскае.

Падпісаў абранне Яна III Сабескага і пад яго камандаваннем ваяваў у шматлікіх бітвах супраць туркаў.

На сейме 1678 года прызначаны дапаможнікам пастаянным пры каралі.

У 1685 годзе Юрый Караль Хадкевіч пабраўся шлюбам з Марыянай Нарушэвіч (1662—1725), дачкой падканцлера вялікага літоўскага Аляксандра Крыштафа Нарушэвіча.

Быў паслом ад Троцкага павета на Гарадзенскім сойме ў 1688 годзе, ад Мазырскага павета на сойме ў Варшаве ў тым жа годзе.

Юрый Караль Хадкевіч памёр у 1691 годзе і пахаваны ў манастыры найсвяцейшае дзевы Марыі ў Супраслі.