Юрый Караль Хадкевіч

Юрый Караль Хадкевіч
9-ы абозны вялікі літоўскі 1678 — 1691
Папярэднік	Баніфацый Тэафіл Пац
Пераемнік	Ян Казімір Валовіч
Нараджэнне	2 жніўня 1646(1646-08-02) Блудзень, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Смерць	не раней за май 1691 і не пазней за чэрвень 1692
Месца пахавання	Супрасльскі Дабравешчанскі манастыр
Род	Хадкевічы
Бацька	Геранім Караль Хадкевіч[d]
Маці	Ізабеля з Ляцкіх[d]
Жонка	Марыяна Тэкля з Нарушэвічаў[d]
Дзеці	Ян Караль Хадкевіч

Юрый Караль Хадкевіч (2 жніўня 1646, м. Блудзень — 1691) — вялікалітоўскі дзяржаўны дзеяч. Абозны вялікі літоўскі (з 1678), палкоўнік каралеўскі, стараста блудзенскі.

Біяграфія

Нарадзіўся ў шляхецкае сям’і гербу «Касцеша» Ераніма Хадкевіча (1621—1650) і Ізабелы Трызнай (1625—1696).

Пасля бацькі атрымаў ва ўладанне староства Блудзенскае.

Падпісаў абранне Яна III Сабескага і пад яго камандаваннем ваяваў у шматлікіх бітвах супраць туркаў.

На сейме 1678 года прызначыны дапаможнікам пастаянным пры карале.

У 1685 годзе Юрый Караль Хадкевіч пабраўся шлюбам з Марыянай Нарушэвіч (1662—1725), дачкой падканцлера вялікага літоўскага Аляксандра Крыштафа Нарушэвіча.

Быў паслом ад Троцкага павета на Гарадзенскім сойме ў 1688 годзе, і Мазырскага павета на сойме ў Варшаве ў тым жа годзе.

Юрый Караль Хадкевіч памёр у 1691 годзе і пахаваны ў манастыры найсвяцейшае дзевы Марыі ў Супраслі.