Крыштаф Хадкевіч

Крыштаф Хадкевіч
Крыштаф Хадкевіч. Невядомы мастак, XVII ст.
Герб «Хадкевіч» («Грыф з мячом»)
Ваявода віленскі
1642 — 1652
Папярэднік	Януш Тышкевіч
Пераемнік	Януш Радзівіл
Кашталян віленскі
1636 — 1642
Папярэднік	Альбрэхт Уладзіслаў Радзівіл
Пераемнік	Мікалай Сапега
Кашталян троцкі
1633 — 1636
Папярэднік	Альбрэхт Уладзіслаў Радзівіл
Пераемнік	Мікалай Кішка
Вялікі канюшы літоўскі
1623 — 1633
Папярэднік	Павел Стэфан Сапега
Пераемнік	Ян Казімір Хадкевіч
Вялікі харунжы літоўскі
1610 — 1623
Папярэднік	Андрэй Іванавіч Валовіч
Пераемнік	Самуэль Пац
Дзейнасць	ваенны
Нараджэнне	XVI стагоддзе
Смерць	3 кастрычніка 1652(1652-10-03)
Род	Хадкевічы
Бацька	Геранім Хадкевіч
Маці	Ганна з Тарлаў[d]
Жонка	Альжбета з Кішкаў[d] і Соф’я з Друцкіх-Горскіх[d]
Дзеці	Аляксандр Крыштаф, Ян Казімір, Геранім Караль

Крыштаф Хадкевіч (? — 3 кастрычніка 1652) — вялікалітоўскі дзяржаўны дзеяч. Вялікі харунжы літоўскі (1611—1623), вялікі канюшы літоўскі (1623—1633), кашталян троцкі (1633—1636), віленскі (1636—1642), ваявода віленскі (1642—1652).

Быў старостам гарадзенскім, бабруйскім, крэўскім, дзяржаўцам беліцкім і вішнеўскім. Пяціразовы маршалак Трыбунала Літоўскага (1635, 1639, 1643, 1647, 1651).

Біяграфія

Паходзіў з роду Хадкевічаў, сын Гераніма Юр'евіча і Ганны Тарла. Удзельнік войнаў з Турцыяй, Швецыяй, Расіяй. Пасол на элекцыйны сойм 1632. У 1648 годзе, ў час Казацкай вайны, за ўласныя грошы ў 20 400 злотых выставіў пяхоту (грошы пасля вернутыя соймам). Падтрымаў абранне Яна Казіміра. З 1627 года ўдзельнік спрэчкі за маёмасць Супрасльскага Дабравешчанскага манастыра, за што ў 1650 г. атрымаў вымову ад караля.

Быў двойчы жанаты, першым шлюбам з Альжбетай Кішкай (дзеці — Аляксандр Крыштаф Хадкевіч, Ян Казімір Хадкевіч, Геранім Караль Хадкевіч), другім — з Соф'яй з Друцкіх-Горскіх Стравінскай (дзяцей не было).

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.