Nymphalis antiopa (Linnaeus, 1758)
Жалобніца (Nymphalis antiopa) — матыль сямейства німфалід (Nymphalidae).
Размах крылаў 7—9 см. Колер вішнёва-карычневы. Знізу крылы чорныя з жаўтавата-белай паласой уздоўж краю, шэрагам сініх плямаў ўздоўж яе. На пярэднім краі крылаў па дзве буйныя жаўтавата-белыя плямы.
Пашыраны ва ўмераных шыротах Еўразіі. Завезены ў Паўночную Амерыку.
На Беларусі часта трапляецца ў лісцевых і мяшаных лясах, парках.
Лёт у сакавіку—маі, ліпені—верасні. Вусені жалобніцы развіваюцца ў чэрвені—ліпені на вербах, бярозе, вязе, асіне, таполі і кормяцца іх лісцем.