Жан Клуэ

З пляцоўкі Вікіпедыя
Jump to navigation Jump to search
Жан Клуэ
Фатаграфія
Дата нараджэння:

1480[1][2][…]

Месца нараджэння:

Брусель[d]

Дата смерці:

1541[4][2][…]

Месца смерці:

Парыж, Каралеўства Францыя

Грамадзянства:

Bannière de France style 1500.svg Францыя

Дзеці:

Франсуа Клуэ

Род дзейнасці:

мастак

Жанр:

партрэт

Заступнікі:

Францыск I

Commons-logo.svg Працы на Вікісховішчы

Жан Клуэ Малодшы (Jean Clouet; 1485(?), вобл. Фландрыя1541) — французскі жывапісец-партрэтыст эпохі Адраджэння. Бацька Франсуа Клуэ.

Біяграфічныя звесткі[правіць | правіць зыходнік]

Вучыўся ў свайго бацькі Жана Клуэ Старэйшага. Прыдворны мастак Францыска I (з 1516). У 1521—25 у г. Тур (Францыя), пазней у Парыжы.

Творчасць[правіць | правіць зыходнік]

Творы вызначаюцца мініяцюрнай дакладнасцю выканання, яркімі і чыстымі тонамі, характарнасцю вобразаў з некаторай аднастайнасцю ўрачыста застылых поз. Творы Жана Клуэ былі ў значнай ступені арыентаваны на нідэрландскія традыцыі, а таксама на дасягненні Ганса Гольбейна Малодшага. Гэта добра бачна ў партрэтах дафіна Францыска (каля 1519), герцага Клода Гіза (каля 1525), Шарлоты Французскай (каля 1520), але асабліва Францыска I (каля 1525). У выяве караля знайшло спалучэнне імкненне да аб'ектыўнай дакладнасці, характарнасці і пышнай дэкаратыўнасці, што дазволіла не толькі выразна паказаць мадэль, але і адлюстраваць эпоху. Мастаку таксама прыпісваюць аўтарства партрэтаў Людовіка Клеўскага, графа Неверскага (каля 1519), пані Канапель (каля 1523), Луі дэ Клеў (1530), Францыска I на кані (1540) і інш. Малюнкі строгія паводле графічнай манеры.

Зноскі

  1. data.bnf.fr: платформа адкрытых дадзеных — 2011. Праверана 10 кастрычніка 2015.
  2. 2,0 2,1 Jean Clouet — 2009.
  3. Jean Clouet // RKDartists Праверана 9 кастрычніка 2017.
  4. RKDartists Праверана 27 жніўня 2017.
  5. Jean Clouet // SNAC Праверана 9 кастрычніка 2017.

Літаратура[правіць | правіць зыходнік]

  • Клуэ // Беларуская энцыклапедыя ў 18 т. Т. 8 / Рэдкал. Г.П.Пашкоў і нш. — Мн.: БелЭн, 1999. ISBN 985-11-0144-3
  • Лазука Б. Гісторыя сусветнага мастацтва. Ад старажытных часоў па XVI стагоддзе / Б.А.Лазука. — Мн.: Беларусь, 2010. ISBN 978-985-01-0894-4

Спасылкі[правіць | правіць зыходнік]