Зігнема

Зігнема
Навуковая класіфікацыя
Дамен:  Эўкарыёты Царства:  Расліны Аддзел:  Харавыя водарасці Клас:  Zygnematophyceae Парадак:  Zygnematales Сямейства:  Зігнемавыя Род:  Зігнема
Міжнародная навуковая назва
Zygnema C. Agardh, 1817
Сінонімы
Globulina Link in Nees 1820 Lucernaria Roussel, 1806 Pleurodiscus Lagerheim, 1895 Rhynchonema Kützing, 1849 Stellulina Link, 1833 Thwaitesia Montagne, 1845 Tyndaridea Bory de Saint-Vincent 1822 ‘Tendaridea’ Bory de Saint-Vincent 1822 Tendaridella Gaillon, 1833
Выявы на Вікісховішчы ITIS   7100 NCBI   43951 EOL   11950 IPNI   ??? FW   315517

Зігне́ма (Zygnema) — род ніткавых зялёных водарасцей сямейства зігнемавых.

Апісанне

Ніткі доўгія (5—60 мкм), негалінастыя, у тоўстым слізістым чахле, свабодна плаваюць або прымацаваны да субстрату рызоідамі, пры неспрыяльнх умовах лёгка распадаюцца на асобныя клеткі.

Клеткі зігнемы

Клеткі зігнемы багатыя дубільнымі рэчывамі, цыліндрычныя, даўжыня аднолькавая з шырынёй ці ў 4 разы большая. Характэрнай асаблівасцю з’яўляюццца 2 буйныя, зоркападобныя хларапласты, кожны з буйным пірэноідам. Клетачнае ядро цэнтральнае.

Пашырэнне

Апісана звыш 100 відаў, пашыраных па ўсім зямным шары, пераважна ў прыбярэжнай зоне вадаёмаў, стаячых ці слабапраточных водах. На Беларусі зігнема адзначана ў азёрах, рэках, сажалках, ручаях, канавах, лужынах.

Асаблівасці біялогіі

Размнажэнне вегетатыўнае (часткамі ніткі ці асобнымі клеткамі) і полавае — лесвічная, радзей бакавая кан’югацыя.

Літаратура

• Міхеева Т. М. Зігнема // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.