Зінаіда Мікалаеўна Леўчанка

Зінаіда Мікалаеўна Леўчанка
Зінаіда Мікалаеўна Леўчанка
Дата нараджэння	3 сакавіка 1925
Месца нараджэння	Новачаркаск, Данская акруга[d], Паўночна-Каўказскі край, РСФСР, СССР;
Дата смерці	16 мая 1980 (55 гадоў)
Грамадзянства	БССР;
Альма-матар	Харкаўскі нацыянальны ўніверсітэт будаўніцтва і архітэктуры;
Месца працы	Брэстграмадзянпраект;
Член у	Саюз архітэктараў СССР; Беларускі саюз архітэктараў;
Узнагароды	;

Біяграфія

Нарадзілася 3 сакавіка 1925 г. у г. Новачаркаску Растоўскай вобласці (РСФСР) у сям’і служачага. Удзельніца Вялікай Айчыннай вайны. З чэрвеня 1942 г. працавала ў прыфрантавых авіярамонтных майстэрнях^[1].

Скончыла ў 1949 годзе Харкаўскі інжынерна-будаўнічы інстытут. Працавала ў Валгаградзе, з 1951 па 1980 г. — архітэктарам у Брэсцкім філіяле Белдзяржпраекта, галоўным спецыялістам-архітэктарам тэхаддзела ў Брэстграмадзянпраекце.

Галоўны кірунак творчасці — архітэктура жылых і грамадскіх будынкаў. Асноўныя работы ў Брэсце: жылы дом на плошчы імя Леніна (1959), кафэ па вул. Савецкай (1960), дом будаўнічых арганізацый (1966), гасцініца «Беларусь» (1971)^[2], комплекс Брэсцкага інжынерна-будаўнічага інстытута, эксперыментальная сярэдняя школа па вул. Маскоўскай (1979, абодва ў сааўтарстве), праект размяшчэння жылога і культурна-бытавога будаўніцтва (1959—1965), праект дэталёвай планіроўкі Паўднёвага жылога раёна (1962).

↑ Левченко Зинаида Николаевна (1925, Расія – 1980)
↑ Брест : Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1987. — 408 с.
↑ Левченко Зинаида Николаевна (1925, Расія — 1980)

Леўчанка Зінаіда Мікалаеўна // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Левченко Зинаида Николаевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)