Канстанцін Іванавіч Лосеў

Канстанцін Іванавіч Лосеў
Дата нараджэння	24 сакавіка 1933(1933-03-24) (91 год)
Месца нараджэння	Горкі, Горкаўскі край[d], РСФСР, СССР
Адукацыя	Маскоўская дзяржаўная кансерваторыя імя П. І. Чайкоўскага (1957)
Прафесія	оперны спявак
Тэатр	Ніжагародскі дзяржаўны акадэмічны тэатр оперы і балета імя А. С. Пушкіна[d] Арзамаскі тэатр драмы[d] Адэскі акадэмічны тэатр музычнай камедыі[d] Беларускі дзяржаўны акадэмічны музычны тэатр
Узнагароды

Канстанцін Іванавіч Ло́сеў (нар. 24 сакавіка 1933, г. Ніжні Ноўгарад, Расія) — беларускі артыст оперы і аперэты (барытон). Заслужаны артыст Беларускай ССР (1982).

Біяграфія

Скончыў Маскоўскую кансерваторыю ў 1957 годзе. Творчую дзейнасць пачаў салістам Горкаўскага тэатра оперы і балета, дзе працаваў у 1957—1965 гадах. 3 1965 года ў Арзамаскім музычна-драматычным тэатры і Адэскім тэатры аперэты. У 1970—1993 гадах саліст Дзяржаўнага тэатра музычнай камедыі Беларусі.

Творчасць

Валодае моцным голасам, багатай драматычнай палітрай, майстэрствам вострай сцэнічнай характарыстыкі. На беларускай сцэне стварыў больш за 40 разнапланавых вобразаў у аперэтах класічнага і сучаснага рэпертуару: Якім і Сцяпан Крыніцкі, Дзмітрый, Матыль («Паўлінка», «Пяе «Жаваранак», «Тыдзень вечнага кахання» Ю. Семянякі), Несцерка («Несцерка» Р. Суруса), Дзяніс Давыдаў («Дзяніс Давыдаў» А. Мдывані), Эдвін і Фэры, Тасіла («Сільва», «Марыца» І. Кальмана), Франк («Лятучая мыш» І. Штрауса), Крамон і Негаш («Вясёлая ўдава» Ф. Легара), Пікерынг («Мая цудоўная лэдзі» Ф. Лоу), Мікіта («Халопка» М. Стрэльнікава), Янга і Філіп, Цэзар Галь («Вольны вецер» І. Дунаеўскага), Назар Дума («Вяселле ў Малінаўцы» Б. Аляксандрава), Чэзарэ («Пацалунак Чаніты» Ю. Мілюціна), Сяргей («Чацвёра з вуліцы Жанны» А. Сандлера), Эрнест Барысавіч («Старыя дамы» А. Фельзера), Люсінда («Хітрамудрая закаханая» А. Рабава), Сцешка і Ігнат Рыгоравіч («Бабскі бунт» Я. Пцічкіна), Нарбер дэ Варэн («О, мілы друг» В. Лебедзева), Карбон і Рагно («Сірано» С. Пажлакова), Горас Вандэргельдэр («Хэло, Долі!» Дж. Германа).

Літаратура

• А. Я. Ракава. Ло́сеў Канстанцін Іванавіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.