Касцюшка (гара)

Касцюшка
англ. Mount Kosciuszko
Вышэйшы пункт
Абсалютная вышыня	2 228 м
Адносная вышыня	2 228 м
Першае ўзыходжанне	1840
Размяшчэнне
36°27′21″ пд. ш. 148°15′49″ у. д.
Краіна	Аўстралія
Горная сістэма	Вялікі Водападзельны хрыбет
Касцюшка
Аўдыё, фота і відэа на Вікісховішчы

Касцюшка, гара Касцюшка (англ.: Mount Kosciuszko) — гара ў горнай сістэме Аўстралійскіх Альпаў. Вышыня 2228 м. Самая высокая вяршыня Аўстраліі. Адкрыта ў 1840 годзе.

Геаграфія

Гара складзена з крышталічных парод. На вяршыні 5 месяцаў ляжыць снег. Характэрны ледавіковыя ландшафты. На схілах эўкаліптавыя лясы, вышэй за 1800 м — альпійская і субальпійская расліннасць. Нацыянальны парк (675 тыс. га) уключае біясферны рэзерват.

Гісторыя

Першым чалавекам, які падняўся на яе вяршыну, быў паляк Павел Эдмунд Стшэлецкі, які назваў гару ў гонар нацыянальнага героя Тадэвуша Касцюшкі.

Касцюшка доўгі час лічылася самай высокай гарой у Аўстралійскіх Альпах. Аднак, больш познія даследаванні вызначалі, што гара Таўнсенд вышэй за гару Касцюшка. З павагі да Паўла Эдмунда Стшэлецкага, улады перайменавалі Касцюшка ў Таўнсенд, а Таўнсенд у Касцюшка.

Нацыянальны парк заснаваны ў 1944 годзе.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.

Спасылкі

• Mt Kosciuszko Inc — інфармацыя аб даследчыках гары Касцюшка.
• mtkosciuszko — сайт гары.
• фота з сусветнай горнай энцыклапедыі Архівавана 29 ліпеня 2016.