Касцёл Маці Божай Нястомнай Дапамогі (Карэлічы)

З пляцоўкі Вікіпедыя
Jump to navigation Jump to search
Славутасць
Касцёл Маці Божай Нястомнай Дапамогі
Карэлічы. Касцёл Маці Божай.jpg
Краіна Беларусь
Месцазнаходжанне
Канфесія Каталіцызм
Будаўніцтва ???—1938 гады
Стан дзейнічае

Касцёл Маці Божай Няспынай Дапамогірымска-каталіцкі храм у г. Карэлічы Гродзенскай вобласці.

Гісторыя[правіць | правіць зыходнік]

Касцёл пабудаваны ў 1938 годзе на ўзвышшы ў паўночна-заходнім сектары забудовы галоўнай плошчы мястэчка на сродкі графаў Жаўтоўскіх, уладальнікаў маёнтка Рута і асаднікаў з наваколіц.

Пасля Другой сусветнай вайны касцёл быў зачынены і ў савекія часы выкарыстоўваўся як віна-гарэлачная крама.

Вярнулі святыню парафіянам у 1991 годзе, адразу ж пачалася рэстаўрацыя. Асвяцілі касцёл 26 верасня 1992 года пад тытулам Маці Божай Нястомнай Дапамогі. Кансэкрацыю праводзіў архібіскуп Гданьскі Тадэвуш Гацлоўскі.

Архітэктура[правіць | правіць зыходнік]

Касцёл уяўляе сабой падоўжана-восевую кампазіцыю, цэнтрам якой з’яўляецца кубападобны аб’ём малітоўнай залы пад чатырохсхільным дахам, завершаны васьмігранай глаўкай з паўсферычным купалам. Апсіда паніжана, прамавугольная ў плане, з дзвюма сакрысціямі. Галоўны ўваход пазначаны аб’ёмам нартэкса-хораў з чатырохкалонным порцікам дарычнага ордара. Пры гэтым порцік выглядае так, быццам гэта сапраўдная частка ранейшай святыні XIX ст., а да яе ўжо ў стылі канструктывізму далучылі новазбудаваны касцёл.

Інтэр’ер, перакрыты плоскай бетоннай столлю, упрыгожваюць галоўны тытульны алтар Маці Божай Нястомнай Дапамогі і дзве алтарныя кампазіцыі: злева — Найсвяцейшага Сэрца Пана Езуса, справа — св. Казіміра.

Касцёльны ўчастак абнесены штакетнай агароджай на цагляных слупках.

Спасылкі[правіць | правіць зыходнік]