Любча

Гарадскі пасёлак Любча Замак Радзівілаў Герб Краіна Беларусь Вобласць Гродзенская Раён Навагрудскі Сельсавет Любчанскі Каардынаты 53°45′07″ пн. ш. 26°03′26″ у. д. Гарадскі пасёлак з 1940 Вышыня цэнтра 142 м Водныя аб'екты Нёман Насельніцтва 1 081 чалавек (2017) Часавы пояс UTC+3 Тэлефонны код +375 1597 Аўтамабільны код 4 СААТА 4243557000 Любча на карце Беларусі ±

Любча на Вікісховішчы

Любча — гарадскі пасёлак у Навагрудскім раёне, Гродзенскай вобласці Беларусі, на левым беразе р. Нёман. У 26 км да паўночнага ўсходу ад Навагрудка, 49 км ад чыгуначнай станцыі Наваельня на лініі Баранавічы—Ліда. Цэнтр калгаса «Прынёманскі». Насельніцтва 1 081 чал. (2017).

Гісторыя

Мястэчка і замак у Любчы, XVII ст.

Гістарычны герб

Упершыню згадваецца ў 1401 г. у нямецкіх хроніках як аб'ект паходаў крыжакоў. У ВКЛ належала Храптовічам, Гаштольдам, Кішкам (Я. Кішка заснаваў тут Любчанскі замак (1581), школу і арыянскі храм, з XVII ст. — кальвінскі збор), з 1606 г. — Радзівілам. У 1590 г. кароль Жыгімонт Ваза надаў Любчы магдэбургскае права і герб. Радзівілы з мэтай эканамічнага умацавання і павялічэння мястэчка запрашае ў яго мяшчан з Менску, Новагародку і інш. каралеўскіх гарадоў.

У 1612 г. Пётр Бластус Кміта перавёз з Вільню ў Любчу друкарскае абсталяванне і заснаваў тут сваю друкарню. Пераважна яна абслугоўвала патрэбы пратэстантаў, але зрэдку прымала заказы і католікаў. За 20 гадоў Кмітам было выдадзена 59 назваў кніг на польскай і лацінскай мовах па гісторыі, медыцыне, філасофіі і інш., а таксама некалькі паэтычных твораў. 3 1632 г. друкарскую працу Пятра Кміты працягваў яго сын — Ян Даніэль.

У XVII ст. ў Любчы ствараюцца рамесныя цэхі. З 1795 г. Любча ўвайшла ў склад Расійскай імперыі, яна робіцца мястэчкам, цэнтрам воласці Навагрудскага павета.

У 1921—1939 гг. — у складзе Польшчы, цэнтр гміны Навагрудскага павета і ваяводства. З 1939 г. у БССР, з 1940 г. — цэнтр раёна Баранавіцкай вобласці. З 1954 г. — у Гродзенскай вобласці, з 1956 г. — у Навагрудскім раёне. У 1996 г. Любча налічвала 540 двароў, 1628 жыхароў, школу, 7 магазінаў, 2 бібліятэкі, бальніцу і іншыя ўстановы.

Насельніцтва

• 1645 — ~ 150 двароў
• 1996 — 1,628 тыс. чал. (540 двароў)
• 2006 — 1,4 тыс. чал.
• 2016 — 1 059 чал.
• 2017 — 1 081 чал.

Эканоміка

Калгаса «Прынёманскі». Прадпрыемствы харчовай прамысловасці. Праз Любчу праходзіць турыстычна-экскурсійны маршрут «Дарогай замкаў».

Славутасці

Любчанскі замак

• Любчанскі замак
• Любчанскі парк
• Ільінская царква (1910—1914)
• Касцёл Найсвяцейшага Сэрца Езуса і святой Марыі ад Езуса Укрыжаванага

Вядомыя асобы

• Мікалай Васільевіч Дучыц (1896—1980) — беларускі мастак, графік.
• Саламон Рысінскі (каля 1560—1625), вялікалітоўскі паэт-лацініст, філолаг, фалькларыст-парэміёлаг, пратэстанцкі дзеяч.
• Пётр Бластус Кміта, выдавец і паэт 17 ст.
• Павел Гіляравіч Каравайчык (1896—1937), беларускі крытык, публіцыст, паэт, медык.
• Мікалай Набокаў (1903—1978), амерыканскі кампазітар, пісьменнік і культурны дзеяч.
• Соф'я Гройсман (нар. 1945), амерыканскі парфумер.
• Мікалай Мікалаевіч Каўцэвіч (1897—1949) — беларускі фізік, прафесар, заслужаны дзеяч навукі БССР.

Гл. таксама

• Пасёлкі гарадскога тыпу Гродзенскай вобласці
• Пасёлкі гарадскога тыпу Беларусі

Спасылкі

• На Вікісховішчы ёсць медыяфайлы па тэме Любча
• Любча: гісторыя і адраджэнне
• Любча ў праекце «Глобус»