Каталонскія землі

Каталонскія землі

Паўночная Каталонія Каталонія Альгера Франха Валенсія Балеары Эль-Карчэ Італія Іспанія Францыя Міжземнае мора Балеарскае мора Андора
Дзяржава	Рэгіён
Іспанія	Каталонія Валенсія Балеары Арагон (Франха) Мурсія (Эль-Карчэ)
Францыя	Усходнія Пірэнеі
Італія	Альгера
Андора

Каталонскія землі (катал.: Països Catalans) — зона распаўсюджання каталанскай мовы на паўночным усходзе Іспаніі, на поўдні Францыі і на італьянскім востраве Сардзінія, а таксама ў Андоры. Тэрмін увайшоў ва ўжытык у паваенны час, магчыма, па аналогіі з устояным паняццем «баскскія землі». У Іспаніі ён успрымаецца неадназначна з-за пагрозы каталонскага сепаратызму.

Склад

• Іспанія:
  • Каталонія (за выключэннем Валь-д’Аран)
    • Франха — прылеглая каталонамоўная паласа тэрыторыі Арагона
  • Балеарскія астравы
  • Валенсія
    • Эль-Карчэ — прылеглы з поўдня ўчастак Мурсіі
• Андора
• французскі дэпартамент Усходнія Пірэнеі
• горад Альгера на Сардзініі (альгерскі дыялект)

Паўночную мяжу распаўсюджання каталанскай мовы сімвалізуе збудаванне, названае «варотамі каталонскіх земляў».

Гісторыя

У Сярэднявеччы на тэрыторыі каталонскіх земляў існавала некалькі дзяржаўных утварэнняў — графства Барселона, графства Русільён, каралеўства Маёрка, каралеўства Валенсія і іншыя. Пасля няўдалай Каталонскай рэвалюцыі (1640—1652 гг.) каталонскія землі былі па Пірэнейскаму міру падзелены паміж Францыяй і Іспаніяй.

Каб пазбегнуць эскалацыі каталонскага сепаратызму Канстытуцыя Іспаніі ўсталёўвае забарону на палітычныя аб'яднанні аўтаномных супольнасцей. Тым не менш паміж каталонскімі землямі ажыццяўляецца шэраг праектаў міжрэгіянальнага супрацоўніцтва.

Гл. таксама

• Каталонскія колеры
• Арагонская карона

Спасылкі

• На Вікісховішчы ёсць медыяфайлы па тэме Каталонскія землі