Катэрынопіль

Пасёлак гарадскога тыпу Катэрынопіль укр.: Катеринопіль Герб Сцяг Краіна Украіна Вобласць Чаркаская вобласць Раён Катэрынопільскі раён Каардынаты 48°56′06″ пн. ш. 30°58′52″ у. д. Першая згадка 1568 Ранейшыя назвы Калныбалота ПГТ з 1968 Плошча 67,66 км² Вышыня цэнтра 139 м Насельніцтва 5600 чалавек (2018) Часавы пояс UTC+2, летам UTC+3 Тэлефонны код +380-4742 Паштовы індэкс 20500 КААТУУ 7122255100 Афіцыйны сайт katerynopil.com.ua Катэрынопіль на карце Украіны ±

Медыяфайлы на Вікісховішчы

Катэрынопіль (укр.: Катерино́піль) — пасёлак гарадскога тыпу ў Катэрынопільскім раёне Чаркаскай вобласці Украіны. Раённы цэнтр. Чыгуначная станцыя на лініі Чаркасы — Умань.

Гісторыя

На тэрыторыі пасёлка выяўленыя рэшткі паселішчаў 2-4 ст. да н.э. Хутар Калныбалота заснаваны ў 1545 г. У той час паселішча уваходзіла ў Брацлаўскае ваяводства і атрымаў ад караля Жыгімонта II Аўгуста прывілей, паводле якога жыхарам паселішча дазвалялася займацца рамёствамі, гандлем, мець самакіраванне. А ніжэй па рацэ яшчэ адзін хутар стаў называцца Нэбэрыбісы, заснаваны казаком з такім прозвішчам, ад якога і пайшла назва хутара. Уцекачы ад прыгону павялічвалі колькасць паселішчаў, нягледзячы на пагрозу падвергнуцца нападам татараў з Дзікага поля, якое ужо пачыналася за ракой. Ёсць меркаванне, што прадастаўленне прывілея пра магдэбургскае права адначасова з замкам Звянігарада звязаныя з асобай казака Калныбалотка, які быў не толькі адважным ваяром, але і арганізатарам і гаспадаром, і, верагодна, палітыкам, каб заслужыць прадастаўленне паселішчу такога права і назвы.

У 1793 г. правабярэжныя землі Украіны ў выніку другога падзелу Рэчы Паспалітай адышлі пад уладу Расійскай імперыі. Мястэчка Калныбалота ўвайшло ў Брацлаўскае намесніцтва. 3 1795 г. яно стала павятовым горадам Вазнясенскага намесніцтва, а з 1797 г. — Кіеўскай губерні. У 1795 г. Калныбалота перайменавана ў Катэрынопіль.