Кацярына Станіславаўна Матулайціс
| Кацярына Станіславаўна Матулайціс | |
|---|---|
| Дата нараджэння | 1900 |
| Месца нараджэння | |
| Дата смерці | 1938 |
| Бацька | Станіслаў Юр'евіч Матулайціс |
| Муж | Раман Аляксандравіч Піляр і Караліс Пажэла[d] |
| Род дзейнасці | гісторык |
| Месца працы | |
| Партыя | |
Кацярына (Катрэ) Станіславаўна Матулайціс (літ.: Katrė Matulaitytė; 1900, Вільня — 1938) — беларускі гісторык.
Біяграфія[правіць | правіць зыходнік]
Дачка Стасіса Матулайціса. У 1917 уступіла ў ВКП(б). Атрымала вышэйшую адукацыю. У 1926—1929 працавала ў сістэме НКУС у Маскве і Ленінградзе. Выйшла замуж за кіраўніка НКУС Саратаўскага края Піляра, потым за сакратара ЦК КПЛ К. Пажэлу. З 1933 — старэйшы навуковы супрацоўнік Камісіі па вывучэнні Заходняй Беларусі, у 1935—1937 — у Інстытуце нацыянальных меншасцей і Інстытуце гісторыі АН Беларускай ССР.
Пражывала у кватэры № 41 Дома спецыялістаў па вул. Савецкай у Менску. Арыштавана там 9.8.1937. Асуджана «тройкай» НКУС 12.4.1938 як «агент літоўскай разведкі» і за «выдачу інфармацыі пра падпольную кампартыю Літвы» да ВМП. Рэабілітавана ваеннай калегіяй Вярхоўнага суда СССР 8.12.1956. Справа М. № 9844-с захоўваецца ў архіве КДБ Беларусі.
Сям’я[правіць | правіць зыходнік]
У шлюбе з Каралісам Пажэлам мела дачку Маю Пажалайце (Maja Poželaitė; нар. 1927), якая стала мастачкай і гісторым архітэктуры Літвы.
Літаратура[правіць | правіць зыходнік]
- МАТУЛАЙЦІС Кацярына Станіславаўна // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.
