Лебядовыя

З пляцоўкі Вікіпедыя
Перайсці да: рух, знайсці
Лебядовыя
Melganzenvoet bloeiwijze Chenopodium album.jpg
Лебяда белая (Chenopodium album)
Навуковая класіфікацыя
Міжнародная навуковая назва

Chenopodiaceae Vent., nom. cons., 1799

Сінонімы
  • Atriplicaceae Juss.
  • Blitaceae Post & Kuntze
  • Corispermaceae Link, nom. inval.
  • Dysphaniaceae Pax, nom. cons.
  • Salicorniaceae Martinov
  • Salsolaceae Menge
Тыпавы род
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   20504
EOL   4230
GRIN   f:254

Лебядовыя (Chenopodiaceae) — сямейства двухдольных адна- і шматгадовых травяністых раслін, паўкустоў, радзей кустоў і невялікіх дрэў.

Шырока распаўсюджана ў субтропіках і ўмераных абласцях, галоўным чынам на засоленых глебах. На Беларусі 9 родаў, каля 30 відаў, найбольш пашыраныя лебяда, буракі, шпінат, лябеднік[3].

Кветкі дробныя і несамавітыя, актынаморфныя, двухполыя ці раздзельнаполыя, сабраныя ў каласы ці ў дыхазіі са скарочанымі восямі, займаюць пазушнае становішча, часам суквецці клубочкі, якія, у сваю чаргу, збіраюцца ў складаныя суквецці, рэдка кветкі адзіночныя. Будова кветак разнастайная. Калякветнік лускаваты, з 3-5 свабодных ці злёгку зрослых лісцікаў, ці зусім рэдукаваны. Адпаведна змяняецца колькасць тычынак і пладалісцікаў ад 5 да 2. Плады аднанасенныя, сухія з цвёрдым ці лускаватым каляплоднікам (арэхі), рэдка раскрываюцца вечкам (каробачкі), часам плод ягадападобны. Маюць прыстасаванні для распаўсюджання пладоў: валаскі, шыпікі, крыльцы. Зародак сагнуты ці спіральна закручаны.

Сярод лебядовых агароднінныя, пладовыя, дэкаратыўныя, лекавыя расліны.

Зноскі

  1. Выкарыстоўваецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Беларуская ССР: Кароткая энцыклапедыя. Т. 2. — Мн.: БелСЭ. 1979.