Лотаць

Лотаць
Лотаць балотная (Caltha palustris) — тыпавы від роду Лотаць
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Казяльцовыя Падсямейства:  Казяльцовыя Трыба:  Caltheae Род:  Лотаць
Міжнародная навуковая назва
Caltha L., 1753
Сінонімы
Psychrophila (DC.) Bercht. & J.Presl
Сістэматыка на Віківідах Выявы на Вікісховішчы ITIS   18453 NCBI   3448 EOL   37737 IPNI   33085-1

Лотаць (Cáltha) — род кветкавых раслін сямейства Казяльцовыя (Ranunculaceae).

Апісанне

Шматгадовыя травы з тоўстым, уверсе галінастым, прыўзнятым сцяблом. Лісце чаранковае або сядзячае, суцэльнае, сэрца- або ныркападобнае, чаргаванае. Кветкі жоўтыя ці белыя з простым пяцічленным калякветнікам, з шматлікімі тычынкамі і песцікамі ў шчыткападобных суквеццях. Плод — шматлістоўка.

Пашырэнне

Лотаць балотная (Caltha palustris). Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Налічваецца каля 90 відаў. Пашыраны ў Еўразіі, Паўночнай Амерыцы і Аўстраліі. На тэрыторыі Беларусі трапляецца толькі лотаць балотная (Caltha palustris); трапляецца на забалочаных лугах, у алешніках, вадзе.

Выкарыстанне

Лекавыя, фітанцыдныя і дэкаратыўныя расліны. Некаторыя віды ядавітыя.

Літаратура

• Лотаць // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 350. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• Калужница — род Caltha: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Caltha (Калужница) // ИАС «ООПТ России» (руск.)