Лужа (Крупскі раён)

Вёска Лужа Краіна Беларусь Вобласць Мінская Раён Крупскі Сельсавет Ігрушкаўскі Каардынаты 54°24′28″ пн. ш. 28°58′41″ у. д. Насельніцтва ▼2 чал. (2009) Часавы пояс UTC+3 Тэлефонны код +375 1796 Аўтамабільны код 5 СААТА 6230820051 Лужа на карце Беларусі ±

Лу́жа (трансліт.: Luža, руск.: Лужа) — вёска ў Крупскім раёне Мінскай вобласці. Уваходзіць у склад Ігрушкаўскага сельсавета.

Гісторыя

Паводле пісьмовых звестак вядома з 1596 года.

У 1772 годзе ўласнасць Сапегаў, 13 двароў, у 1778 г. належала маёнтку Шчаўры Ануфрыя Рашкоўскага, 24 «дымы». Пра назву вёскі існуе паданне: святара царквы жыхары папрасілі асвяціць вёску, але нечым не ўгадзілі яму, тады святар быццам бы сказаў ім: «Быць вам пры лужы». У вайну 1812 г. вёска разбурана французамі. У 1885 годзе ў складзе Бобрскай воласці Сенненскага павета Магілёўскай губерні. У 1909 годзе — 47 двароў, 158 жыхароў.

Пасля ўсталявання Савецкай улады ў складзе Малажаберыцкага сельсавета Крупскага раёна. У 1930-я гады жыхары вёсак Лужа і Актавія аб’ядналіся ў калгас «Шлях сацыялізму». У 1941 годзе — 40 двароў, 130 жыхароў.

На франтах Вялікай Айчыннай вайны загінулі 18 чалавек.

Пасля вайны калгас адноўлены, з 1950 года вёска ў складзе калгаса «Усход», са студзеня 1960 г. — калгаса «Гігант», з 1961 г. — саўгаса «Грушаўскі», потым — калгаса «Стараселле». З 1973 г. вёска ў складзе Ігрушкаўскага сельсавета Крупскага раёна Мінскай вобласці.

На 01.01.1998 года — 4 гаспадаркі, 7 жыхароў.

Летам 2023 года сельсавет знёс апошнія не жылыя дамы і гаспадарчыя будынкі ў вёсцы. Тым самым часам з дарогі прыбралі знакі з назвай на ўездзе і выездзе з былога паселішча.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх