Перайсці да зместу

Лука Роткавіч

З Вікіпедыі, свабоднай энцыклапедыі
Футбол
Лука Роткавіч
Агульная інфармацыя
Нарадзіўся 5 ліпеня 1988(1988-07-05)[1] (36 гадоў)
Грамадзянства  Чарнагорыя
Рост 177 см
Вага 80 кг
Пазіцыя нападнік
Клубная кар’ера[* 1]
2009—2010 Чарнагорыя Петравац 41 (14)
2011 Чарнагорыя Будучнаст (Падгорыца) 17 (1)
2012 Чарнагорыя Младаст (Падгорыца) 21 (7)
2013 Чарнагорыя Морнар (Бар) 25 (16)
2014 Ізраіль Макабі (Петах-Тыква) 4 (0)
2014 Чарнагорыя Морнар (Бар) 11 (9)
2015 Казахстан Акжэтпес (Какшэтаў) 31 (13)
2016 Беларусь Дынама (Мінск) 16 (6)
2017 Паўднёвая Карэя Ансан Грынерс 9 (1)
2018 Беларусь Прамень (Мінск) 5 (1)
2019 Бангладэш Абахані Лімітэд (Чытагонг) 0 (0)
2019—2020 Бангладэш Бангладэш Паліс (Дака) 5 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 верасня 2021.

Лука Роткавіч (сербск.: Лука Ротковић / Luka Rotković; нар. 5 ліпеня 1988, Цітаград, цяпер Падгорыца) — чарнагорскі футбаліст, нападнік.

Клубная кар’ера

[правіць | правіць зыходнік]

Выступаў за чарнагорскія клубы «Петравац», «Будучнаст», «Младаст» і «Морнар». У першай палове 2014 года гуляў у Ізраілі за «Макабі» з Петах-Тыквы, але не замацаваўся ў складзе і вярнуўся на радзіму. Сезон 2015 правёў у складзе казахстанскага «Акжэтпеса», з 13 галамі заняў другі радок у спісе найлепшых бамбардзіраў чэмпіянату Казахстана 2015.

У лютым 2016 года прыбыў на прагляд у беларускае «Дынама» з Мінска, у сакавіку падпісаў кантракт з клубам[2]. 24 красавіка 2016 года забіў свой першы гол за «Дынама», калі на другой дададзенай хвіліне зраўняў лік у матчы з БАТЭ (3:3). Пазней замацаваўся ў складзе мінчан, да лета забіў 6 галоў у чэмпіянаце. У ліпені 2016 года, пасля таго як каманду ўзначаліў Сяргей Бароўскі, страціў месца ў складзе і стаў зрэдку з’яўляцца на полі, а пазней перастаў трапляць нават на лаўку запасных. Па заканчэнні сезона ў снежні 2016 года пакінуў «Дынама»[3].

У студзені 2017 года падпісаў трохгадовы кантракт з паўднёвакарэйскім клубам «Ансан Грынерс»[4], аднак ужо ў ліпені таго ж года пакінуў яго. У верасні 2018 года, правёўшы больш за год без каманды, зноў апынуўся ў Беларусі і далучыўся да мінскага «Промня», з якім неўзабаве падпісаў кантракт[5]. У складзе «Промня» згуляў у пяці матчах (з іх у чатырох выхадзіў на замену), адзначыўся голам у браму мінскага «Дынама». З лістапада перастаў з’яўляцца на полі. У снежні 2018 года па заканчэнні кантракта пакінуў «Прамень»[6].

У кастрычніку 2019 года далучыўся да клуба «Абахані Лімітэд» з Бангладэш, аднак ужо ў лістападзе перабраўся ў іншы клуб з гэтай краіны — «Бангладэш Паліс»[7], дзе гуляў да лета 2020 года, пасля чаго завяршыў прафесійную кар’еру[8].

Дасягненні

[правіць | правіць зыходнік]

Крыніцы

[правіць | правіць зыходнік]
  1. ↑ Luka Rotkovic // Transfermarkt — 2000. Праверана 9 кастрычніка 2017.
  2. ↑ Vijesti.me: Лука Роткович подписал контракт с минским "Динамо" (руск.). football.by (2 сакавіка 2016). Праверана 22 сакавіка 2024.
  3. ↑ Роткович и Мунир покинули минское "Динамо" (руск.). football.by (7 снежня 2016). Праверана 22 сакавіка 2024.
  4. ↑ Лука Роткович продолжит карьеру в Южной Корее (руск.). football.by (5 студзеня 2017). Праверана 22 сакавіка 2024.
  5. ↑ "Луч" сообщил о подписании контракта с Лукой Ротковичем (руск.). football.by (13 верасня 2018). Праверана 22 сакавіка 2024.
  6. ↑ Роткович, Иванов и Премудров покинули "Луч" (руск.). football.by (12 снежня 2018). Праверана 22 сакавіка 2024.
  7. ↑ Экс-форвард минского "Динамо" менее, чем за месяц, сменил два клуба в Бангладеше (руск.). football.by (21 лістапада 2019). Праверана 22 сакавіка 2024.
  8. ↑ "ЖЕЛАЮ УДАЧИ ЧЕРНОГОРИИ, НО НИКОГДА НЕ БУДУ ГОВОРИТЬ ПЛОХО О БЕЛАРУСИ". ЛУКА РОТКОВИЧ О ПРЕДСТОЯЩЕМ МАТЧЕ СБОРНЫХ И ЛЮБВИ К МИНСКОМУ "ДИНАМО" (руск.). pressball.by (19 сакавіка 2024). Праверана 22 сакавіка 2024.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Лука_Роткавіч&oldid=4699064"