Лідзія Аляксандраўна Ільіна

Лідзія Аляксандраўна Ільіна
Дата нараджэння	14 (27) лютага 1915
Месца нараджэння	Міхайлаў, Міхайлаўскі раён, СССР
Дата смерці	1994
Месца смерці	Бішкек, Кыргызстан
Месца пахавання	Ваганькаўскія могілкі
Грамадзянства	СССР
Род дзейнасці	мастачка
Жанр	графіка і ілюстрацыя
Вучоба	Маскоўскі дзяржаўны акадэмічны мастацкі інстытут імя В. І. Сурыкава[d]
Член у	Саюз мастакоў СССР
Прэміі
Узнагароды

Лідзія Аляксандраўна Ільіна (14 (27) лютага 1915, Міхайлаў — 1994, Бішкек) — кіргізскі графік. Народная мастачка Кіргізіі (1963).

Біяграфія

Вучылася ў Маскоўскім мастацкім інстытуце (1933—39). З 1939 года ў Кіргізіі. Удзельнічала ў афармленні Кіргізскага тэатра оперы і балета (1952—54).

У станковай графіцы галоўнае месца займае вобраз жанчыны. Сярод твораў: серыі «Слова пра кіргізскую жанчыну» (1958), «Моладзь Кіргізіі» (1966), «Мацярынства» (1967), «Мой сучаснік» (1977), асобныя аркушы «Ноч» (1954), «На Ісык-Кулі» (1956) і інш., якім уласцівы лірыка-эпічны лад. Аўтар ілюстрацый да кніг («Вершы і паэмы» А. С. Пушкіна, 1971) і інш., жывапісных твораў («Коні», 1940; «Апошняя бавоўна», 1946; «Восень», 1950).

Прэміі і ўзнагароды

• Сярэбраны медаль АМ СССР, 1959.
• Дзяржаўная прэмія СССР, 1971.
• Медаль на Міжнароднай выстаўцы мініяцюрнай графікі ў Чэхаславакіі, 1974.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).