МАЗ-MAN

З пляцоўкі Вікіпедыя
Jump to navigation Jump to search
МАЗ-MAN
Размяшчэнне

ЗАТ «МАЗ-MAN» — сумеснае беларуска-нямецкае прадпрыемства па выпуску вялікагрузных аўтамабіляў для рэгіянальных і міжнародных перавозак. Кампанія з'яўляецца вытворцам васьмі ўласных мадэляў грузавой тэхнікі і адной мадэлі франтальнага пагрузчыка ўласнай канструкцыі.

З 2008 года з'яўляецца афіцыйным дылерам MAN у Беларусі.

Акцыянерамі кампаніі з'яўляюцца II&V GmbH (Аўстрыя, 48,2% акцый), РУП "МАЗ"(Беларусь, 44,43% акцый) і ЗАТ "Трастбанк"(Беларусь, 7,37% акцый)[1].

Гісторыя[правіць | правіць зыходнік]

10 снежня 1997 года ў Мінску была падпісана дамова аб стварэнні сумеснага беларуска-нямецкага прадпрыемства ЗАТ "МАЗ-МАН".

Першай прадукцыяй новага прадпрыемства сталі двухвосныя седлавыя цягачы МАЗ-MAN-543265 і МАЗ-MAN-543268[2]. Машыны ўяўлялі сабой шасі МАЗ-5432 з рухавіком MAN, каробкай перадач ZF і кабінай ад MAN F2000. На МАЗ-MAN-543265 усталёўваўся рухавік D 2866 LF 21 (370 к.с., Еuro-1), на МАЗ-MAN-543268 — D 2866 LF 20 (400 к.с., Euro-2). У красавіку 1998 года быў сабраны першы грузавік. Зборка ажыццяўлялася не на канвееры, а на асобных участках-пастах, дзе стаялі некалькі чалавек, якія адзін за адным паступова ўсталёўвалі на машыну ўсе вузлы і агрэгаты. На 45 адсоткаў першы аўтамабіль складаўся з імпартных камплектуючых. Нямецкімі былі матор, кабіна ў поўнай камплектацыі і стандартнай афарбоўцы, каробка перадач, счапленне, шэраг пнеўмаэлементаў і інш. Раму, масты, пярэднюю вось, сядло вырабілі на МАЗе. У кастрычніку 1998 года на "МАЗ-МАНе" пачаў працу свой зборачны канвеер[3].

Прадукцыя[правіць | правіць зыходнік]

Адным з прыярытэтных напрамкаў прадпрыемства з'яўляецца выпуск седлавых цягачоў для міжнародных перавозак з колавай формулай 4x2 і 6x4. Асвоены выпуск бартавых грузавікоў, самазвалаў. На базе шасі МАЗ-МАН наладжана вытворчасць бетоназмяшальнікаў, палівазапраўных аўтацыстэрнаў.

У 2005 годзе пачалася вытворчасць франтальных пагрузчыкаў BME-1560 / BME-1565.

З 2009 на вытворчых плошчах прадпрыемства з вузлоў і дэталяў, якія пастаўляюцца з Мінскага аўтамабільнага завода, ажыццяўляецца зборка аўтамабіляў МАЗ-6516.

У студзені 2011 года пачаты выпуск новага пакалення аўтамабіляў МАЗ-MAN. Першымі сталі самазвалы МАЗ-MAN-652036, шасі і бартавыя платформы — МАЗ-MAN-632044 (экалагічнага класа «Еўра-4»), МАЗ-MAN-632036 (экалагічнага класа «Еўра-3»). Пазней да іх дадаліся седлавыя цягачы[4][5].

Мадэльны шэраг[правіць | правіць зыходнік]

  • Седлавыя цягачы 4х2: 543268, 540536, 540538, 540539, 540546, 540548, 540549, 540556, 540558, 540559
  • Седлавыя цягачы 6х4: 642538, 642539, 642548, 642549, 642558, 642559
  • Самазвалы 6х4: 652036, 652536, 652538, 652546, 652548
  • Самазвалы 6х6: 756539
  • Шасі 6х2: 631538, 631539, 631548, 631549, 631559
  • Шасі 6х4: 632034, 632036, 632044
  • Франтальныя пагрузчыкі: BME-1560, BME-1565

† — знятыя з вытворчасці

Гл. таксама[правіць | правіць зыходнік]

Зноскі

  1. http://www.sb.by/post/maz_man/ (руск.) 
  2. Первый лауреат республиканского автомобильного конкурса (руск.) . adt.by (5 сакавіка 2015). Праверана 1 лютага 2021.
  3. Первый грузовик МАЗ-МАН (руск.) . adt.by (23 красавіка 2018). Праверана 1 лютага 2021.
  4. http://www.maz-man.by/press/news/66.html 27 студзеня 2011 г - Новае пакаленне грузавікоў МАЗ-МАН (руск.) 
  5. http://www.maz-man.by/press/news/72.html МАЗ-МАН сертыфікаваў грузавікі новага пакалення (руск.) 

Спасылкі[правіць | правіць зыходнік]