Магілёўскі аўтамабільны завод

З пляцоўкі Вікіпедыя
Jump to navigation Jump to search

Магілёўскі аўтамабільны завод (МаАЗ)беларускі вытворца земляройна-транспартнай тэхнікі. Выпускае аўтамабільную тэхніку, прызначаную для кар'ерных работ, падземных распрацовак рудных матэрыялаў, а таксама будаўніцтва дарог, плацін, тунэляў і мастоў.

Створаны ў 1935 годзе як аўтарамонтны завод. За мінулы перыяд некалькі разоў мяняў профіль вытворчасці. Сваю сучасную назву — Магілёўскі аўтамабільны завод (МаАЗ) імя С. М. Кірава — прадпрыемства атрымала 28 сакавіка 1966 г. [1]

З 2006 года завод з'яўляецца філіялам ААТ «БелАЗ».

Гісторыя[правіць | правіць зыходнік]

Магілёўскі аўтамабільны завод быў створаны ў 1935 годзе як аўтарамонтны завод. У канцы 30-х гадоў Магілёўскі АРЗ фактычна быў абаронным прадпрыемствам - значную частку яго праграмы складалі спец. замовы. Ён быў асноўнай рамонтнай базай для аўтамабільных і бранятанкавых частак Заходняй Асобай Ваеннай акругі. У час Вялікай Айчыннай Вайны завод быў эвакуіраваны ў Заволжа і стаў часткай маторабудаўнічага гіганта, які вырабляў авіярухавікі для знакамітых ІЛ-2.

У пасляваенны перыяд завод выпускаў парасілавыя ўстаноўкі магутнасцю ад 10 да 100 л.с. Устаноўкі прызначаліся перш за ўсё для электрыфікацыі і цеплафікацыі сельскай гаспадаркі і мясцовай прамысловасці.

З 1955 года па 1968 год завод выпускаў электрамаставыя краны грузападымальнасцю 5 тон і маслазапраўшчыкі на базе аўтамабіляў ГАЗ.

У красавіку 1958 было прынята рашэнне ўрада аб спецыялізацыі ў аўтамабільнай прамысловасці. Адным з пунктаў гэтага рашэння загадвалася перадаць вытворчасць аднавосевых цягачоў і скрэпераў, распрацаваных на Мінскім аўтазаводзе, заводу пад'ёмна-транспартнага абсталявання імя С.М. Кірава Мінцяжмаша СССР у г. Магілёве, які да гэтага часу выпускаў электрамаставыя краны, парасілавыя ўстаноўкі і маслазапраўшчыкі на базе аўтамабіляў ГАЗ-51.

З чэрвеня 1958 года на магілёўскім заводзе наладжваецца «адвёрткавая» зборка мадэрнізаваных аднавосевых колавых цягачоў МАЗ-529В з двухмеснай кабінай і рухавіком ЯАЗ-М206А магутнасцю 180 л.с. З 2 верасня 1958 года пачынаецца выраб ўстановачнай партыі машын, які завяршаецца да канца года. Паступова завод пераабсталявалі для паўнавартаснай серыйнай вытворчасці.[1]

З 1960 года перайшоў на вытворчасць земляройна-транспартнай і аўтамабільнай тэхнікі.

Пераход на вытворчасць земляройна-транспартнай і аўтамабільнай тэхнікі ажыццяўляецца з непасрэдным удзелам Мінскага аўтамабільнага завода, цесная сувязь з якім працягваецца да цяперашняга часу.

У 1960 годзе з Мінскага аўтазавода была пераведзена група канструктараў, якая стала асновай стварэння канструктарска-эксперыментальнай базы завода.

Прадукцыя[правіць | правіць зыходнік]

Асноўнымі відамі выпускаемай прадукцыі заводам з'яўляюцца:

    • самаходныя скрэперы;
    • франтальныя пагрузчыкі;
    • падземныя аўтацягнікі
    • аўтабетоназмешвальнікі;
    • каток самаходны

На базе асноўных вузлоў выпускаецца цэлае сямейства ўніфікаваных машын:

    • аэрадромныя цягачы
    • трайлеры для перавозкі буйнагабарытных грузаў
    • спецыяльная тэхніка для падземных работ
    • спецыяльныя шасі для абсталявання вібраўстаноўкай і абсталявання крана;
    • мініпагрузчыкі з вялікай гамай навяснога абсталявання
    • аўтамабілі-смеццявозы
    • электракары
    • аўтабульдозеры

Больш за 85% усёй прадукцыі завода адпраўляецца ў Расію і краіны СНД.

Спасылкі[правіць | правіць зыходнік]

Зноскі