Марцін Якаўлевіч Вячорка

Марцін Якаўлевіч Вячорка
Род дзейнасці	палітык
Дата нараджэння	1911
Месца нараджэння	Бармуты, Равяціцкая воласць[d], Пружанскі павет, Гродзенская губерня, Літоўскае генерал-губернатарства, Расійская імперыя
Дата смерці	1932
Партыя	Камуністычная партыя Заходняй Беларусі

Марцін Якаўлевіч Вячорка (1911, в. Бармуты, Пружанскі павет, Гродзенская губерня, цяпер Бярозаўскі раён — 1932) — удзельнік рэвалюцыйнага руху ў Заходняй Беларусі. Сакратар падпольнай ячэйкі КПЗБ. Вёў работу сярод моладзі в. Бармуты і навакольных вёсак супраць паланізацыі, за вызваленне з-пад польскага прыгнёту, агітаваў юнакоў не ўступаць у польскае войска, распаўсюджваў нелегальную літаратуру. Напярэдадні 1 мая 1932 года арыштаваны дэфензівай і закатаваны. Каб схаваць сляды злачынства, паліцыя інсцэніравала самазабойства, цела было павешана на дрэве ва ўрочышчы каля дарогі. Пахаванне Вячоркі вылілася ў вялікую дэманстрацыю. На радзіме на яго магіле пастаўлены помнік.

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).^{[удакладніць: камент.]}