Марыя Пятроўна Жыгалава

Марыя Пятроўна Жыгалава
Дата нараджэння	10 лютага 1951(1951-02-10) (73 гады)
Месца нараджэння	Збураж, Олтушскі сельсавет, Маларыцкі раён, Брэсцкая вобласць, БССР, СССР
Грамадзянства	СССР  Беларусь
Род дзейнасці	педагог
Месца працы	Брэсцкі дзяржаўны ўніверсітэт імя А. С. Пушкіна
Навуковая ступень	доктар педагагічных навук (2006)
Навуковае званне	дацэнт (1998)
Альма-матар	Брэсцкі дзяржаўны ўніверсітэт імя А. С. Пушкіна (1973)
Узнагароды	Ганаровая грамата МінВНУ БССР[d] (1987) Ганаровая грамата Міністэрства адукацыі Рэспублікі Беларусь (2011)

Марыя Пятроўна Жыгалава (нар. 10 лютага 1951, в. Збураж, Маларыцкі раён, Брэсцкая вобласць) — беларускі літаратуразнавец, педагог, спецыяліст у галіне тэорыі і методыкі навучання і выхавання (руская літаратура). Доктар педагагічных навук (Расія, 2006), дацэнт (спецыяльнасць «Літаратуразнаўства», 1998). Акадэмік Акадэміі педагагічных і сацыяльных навук (Расія, 2008; член-карэспандэнт з 2002).

Біяграфія

Скончыла Брэсцкі дзяржаўны педагагічны інстытут імя А. С. Пушкіна (спецыяльнасць «Руская мова і літаратура», 1973), Універсітэт марксізму-ленінізму Брэсцкага абкама КПБ (спецыяльнасць «Сацыялогія», 1984), Інстытут нацыянальных праблем адукацыі (саіскальніцтва, 1994), Інстытут агульнай і сярэдняй адукацыі РАА (саіскальніцтва, 2005).

Працавала ў сярэдняй школе Маларыцкага раёна (1967—1992), Брэсцкім дзяржаўным універсітэце імя А. С. Пушкіна (з 1993, у 1993—2012 — дацэнт, в. а. загадчыка кафедры, прафесар кафедры тэорыі і гісторыі літаратуры, у 2012—2014 — дырэктар Інстытута павышэння кваліфікацыі і перападрыхтоўкі, з 2014 — дацэнт кафедры педагогікі).

Навуковыя інтарэсы: дыдактычная філалогія, гуманітарная адукацыя ў кантэксце дыялогу расійскай, айчыннай і еўрапейскай адукацыі; развіццё літаратур і культур у мультыкультурнай адукацыйнай прасторы; мастацкі твор як міжкультурны ўніверсум; супастаўляльнае вывучэнне і выкладанне славянскай літаратуры ў кантэксце дыялогу культур і цывілізацый.

Узнагароды

Званне «Заслужаны настаўнік БССР» (1986), ганаровыя граматы Міністэрства вышэйшай і сярэдняй спецыяльнай адукацыі БССР (1987), Міністэрства адукацыі Рэспублікі Беларусь (2011), Падзячнае пісьмо Расійскай акадэміі адукацыі (2010), прэмія імя Уладзіміра Калесніка БрДУ (2011), медаль Польшчы «Mickiewicz — Puszkin» (2015) і інш.

Бібліяграфія

• Типология анализа произведений русской литературы в школах Республики Беларусь (10—11 классы) : диссертация … доктора педагогических наук : 13.00.02 : защищена 06.10.2005 : утверждена 17.02.2006 / Жигалова Мария Петровна. — Москва, 2005.
• Интерпретация и анализ в литературе: теория и практика : монография / М. П. Жигалова. — Брест, 2011.
• Вытокі фарміравання патрыятызму і духоўнасці ў школьнікаў (з вопыту работы піянерскай дружыны «Арыенцір» Мельніцкай базавай школы Маларыцкага раёна / В. М. Жыгалаў, М. П. Жыгалава // Праблемы выхавання. — 2008. — № 4. — С. 33—38.
• Маральна-філасофскія каштоўнасці жыцця ў сучаснай беларускай літаратуры (на прыкладзе вывучэння твораў Г. Марчука і Н. Мацяш, 11-ты клас) / М. П. Жыгалава // Беларуская мова і літаратура. — 2015. — № 10. — С. 3—11.
• Gdzie bije źrόdło… : pieśni ludowe pogranicza Polski i Białorusi / redakcja: Feliks Czyżewski, Agnieszka Dudek-Szumigaj, Marija Żygalova; transkrypcja: Anna Michalec, Lidija A. Zacharczuk. — Lublin ; Wisznice, 2015.

Літаратура

• Жигалова Мария Петровна // Кто есть кто в Республике Беларусь. Деловой мир СНГ. — Минск, 2006. — Вып. 3. — С. 131.
• Жигалова Мария Петровна // Прафесарска-выкладчыцкі калектыў Брэсцкага дзяржаўнага універсітэта імя А. С. Пушкіна, 1945—2005 : біябібліяграфічны даведнік. — Брэст, 2005. — С. 66.
• Няма межаў для чалавека і навукоўцы : [М. П. Жыгалава] / Мікалай Навумчык // Настаўніцкая газета. — 2009. — 1 верасня.