Марыя Станкевіч

Марыя Станкевіч
чэшск.: Marie Nováková
Род дзейнасці	грамадская дзяячка
Дата нараджэння	20 кастрычніка 1900(1900-10-20) ці 20 студзеня 1900(1900-01-20)
Месца нараджэння	Чэскі-Брод[d], акруга Бёміш-Брод[d], Каралеўства Багемія, Цыслейтанія, Аўстра-Венгрыя
Дата смерці	11 мая 1983(1983-05-11)
Месца смерці	Нью-Джэрсі, ЗША
Месца пахавання	Беларускія могілкі ў Іст-Брансуіку
Муж	Ян Станкевіч
Дзеці	Вячаслаў Станкевіч
Месца працы	Беларуская гімназія імя Янкі Купалы
Альма-матар	Каледж Васара[d] (1922) Карлаў універсітэт
Член у	Беларуска-амерыканскае задзіночанне

Марыя Станке́віч (дзяв. Но́вакава; 20 кастрычніка 1900 — 11 мая 1983) — беларуская грамадская дзяячка чэшскага паходжання. Жонка Яна Станкевіча.

Біяграфія

Нарадзілася 20 кастрычніка 1900 г. у в. Чэшскім Бродзе (чэшск.: Český Brod) у Аўстра-Венгрыі.

У 1922 г. скончыла Каледж Васара ў Нью-Ёрку, потым Карлаў універсітэт у Празе. Недзе ў той самы час пабралася шлюбам з Янам Станкевічам, які таксама вучыўся ў Празе. У 1926 г. разам з мужам пераехала ў Вільню.

Падчас Другой сусветнай вайны у часе нямецкай акупацыі ў 1941—1945 гг. разам з сынамі жыла ў Празе, пазней у лагерах для перамешчаных асобаў у Германіі. Брала ўдзел у працы розных беларускіх арганізацый, выкладала ў беларускай гімназіі імя Янкі Купалы.

У 1949 г. з сям’ёй пераехала ў ЗША. Была сябрам Беларуска-Амерыканскага задзіночання, некаторы час была кіраўніцай жаночай секцыі арганізацыі. Аўтарка кнігі «Вялікалітоўская кухарка» (Нью-Ёрк, 1959, англамоўнае выданне «Greatlithuanian (Byelorussian) Cookbook» — Нью-Ёрк, 1972).

Памерла 11 мая 1983 г. Пахаваная ў Іст-Брансуіку на могілках царквы Жыровіцкай Божай Маці БАПЦ.

Сям’я

Жонка Яна Станкевіча, маці Вячкі, Богуша і Юркі Станкевічаў.

Літаратура

• Наталля Гардзіенка, Лявон Юрэвіч. Рада БНР (1947—1970): Падзеі. Дакументы. Асобы. — Мн.: Кнігазбор, 2013. ISBN 978-985-7089-07-9.