Марыя Элена Віейра да Сілва

Марыя Элена Віейра да Сілва
фр.: Maria Elena Vieira da Silva
Род дзейнасці	мастачка, вітражыстка, графік
Дата нараджэння	13 чэрвеня 1908(1908-06-13)[…]
Месца нараджэння	Лісабон, Партугалія
Дата смерці	6 сакавіка 1992(1992-03-06)[…] (83 гады)
Месца смерці	Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Муж	Árpád Szenes[d]
Альма-матар	Лісабонскі ўніверсітэт
Член у	Каралеўская акадэмія мастацтваў
Узнагароды і прэміі	ордэн Ганаровага легіёна
Аўтограф
Медыяфайлы на Вікісховішчы

Марыя Элена Віейра да Сілва (парт.: Maria Helena Vieira da Silva, 13 чэрвеня 1908, Лісабон — 6 сакавіка 1992, Парыж) — французская мастачка партугальскага паходжання.

Біяграфія

Дачка дыпламата, жыла з сям’ёй у Францыі, Швейцарыі, Вялікабрытаніі. З адзінаццацігадовага ўзросту вучылася жывапісу ў Лісабонскай мастацкай акадэміі. У 1928 годзе разам з маці прыехала ў Парыж, пазнаёмілася з Мацісам, Пікаса, Бракам, Дзюфі, Утрыло, Мандрыянам, Дзюшанам, сюррэалістамі (Міро, Эрнстам). Брала ўрокі жывапісу ў Фернана Лежэ, скульптуры — у Антуана Бурдэля, займалася габеленым мастацтвам, керамікай, кніжным афармленнем (ілюстравала кнігі Рэнэ Шара). У тым жа 1928 годзе зблізілася з выхадцам з Венгрыі, мастаком Арпадам Сенешам і ў 1930 годзе выйшла за яго замуж. Займалася ў Ражэ Бісьера ў Акадэміі Рансана. Першая персанальная выстава адбылася ў парыжскай галерэі Жанны Бюшэ (1932), у 1935 і 1936 гадах — у Лісабоне. Пасля нацысцкага ўварвання ў Францыю Віейра да Сілва і Сенеш — яна як страціла партугальскае грамадзянства, ён як габрэй — жылі на правах апатрыдаў у Партугаліі, а з 1940 года — у Бразіліі. Пасля вайны Віейра да Сілва вярнулася ў Францыю, і ў 1956 годзе яна і Сенеш атрымалі французскае грамадзянства.