Мацвей Мацвееевіч Гусеў

Мацвей Мацвееевіч Гусеў
руск.: Матвей Матвеевич Гусев
Дата нараджэння	16 (28) лістапада 1826
Месца нараджэння	Вятка
Дата смерці	10 (22) красавіка 1866 (39 гадоў)
Месца смерці	Берлін
Грамадзянства	Расійская імперыя
Род дзейнасці	астрафізік
Навуковая сфера	Астраномія
Месца працы	Віленскі ўніверсітэт
Альма-матар	Казанскі ўніверсітэт
Узнагароды і прэміі

Мацвей Мацвееевіч Гу́сеў (16 (28) лістапада 1826, Вятка — 10 (22) красавіка 1866, Берлін) — рускі астраном, адзін з пачынальнікаў астрафізічных даследаванняў.

Нарадзіўся ў горадзе Вятка (Расія). У 1847 годзе скончыў Казанскі ўніверсітэт. З 1850 года працаваў у Пулкаўскай астранамічнай абсерваторыі. З 1852 года памочнік дырэктара Віленскай астранамічнай абсерваторыі.

Навуковая дзейнасць

М. М. Гусеў адным з першых наладзіў фатаграфаванне паверхні Сонца і Месяца з мэтай даследавання астрафізічных з'яў. Выкарыстаў матэматычныя метады даследавання, заснаваныя на дакладным вымярэнні фотаздымкаў. Займаўся вывучэннем уласнага руху зорак, пытаннямі ўліку рэфракцыі, назіраннямі метэарытных патокаў і інш.

М. М. Гусеў у 1860 годзе заснаваў часопіс «Вестник математических наук» — першае ў Расіі перыядычнае выданне фізіка-матэматычнага кірунку. Пераклаў на рускую мову 3-і том «Космасу» А. Гумбальта.

Памяць

У гонар М. М. Гусева названы кратар на Марсе.

Літаратура

• Болсун А. І. Гусеў Мацвей Мацвеевіч // Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — 576 с. — 10 000 экз. — ISBN 985-11-0090-0.

Спасылкі

• Гусев Матвей Матвеевич // Вялікая савецкая энцыклапедыя(руск.) 
• Гусев Матвей Матвеевич(руск.)