Мацей Пранчынскі

Мацей Пранчынскі
Дата нараджэння	1750
Месца нараджэння	Беласток
Дата смерці	1799
Грамадзянства	Рэч Паспалітая
Прафесія	танцор
Тэатр	прыдворны тэатр гетмана Браніцкага ў Беластоку, Варшаўскі тэатр балета, Слонімскі тэатр Агінскага, Ружанскі тэатр Сапегаў, Шклоўскі тэатр Зорыча

Мацей Пранчы́нскі — танцоўшчык і балетмайстар 2-й паловы 18 стагоддзя.

Біяграфія

Нарадзіўся ў г. Беласток. Вучань А. Пуціні.

У 1765—1772 гадах танцоўшчык прыдворнага тэатра гетмана Браніцкага ў Беластоку, у 1774—1776 гадах у Варшаўскім тэатры балета. Як балетмайстар пераклаў для Варшаўскай сцэны балеты «Дыяна і Эндыміён», «Сідней і Сілы», «Паляванне Генрыха IV».

У 1777 годзе выступаў у Слонімскім тэатры Агінскага.

У 1780—1785 гадах танцоўшчык і балетмайстар прыдворных тэатраў Сапегаў у Ружанах (у 1784 годзе паставіў балет «Літасцівасць Ціта») і Дзярэчыне.

У 1794—1795 гадах дырэктар трупы ў Вільні.

У 1795—1798 выступаў у прыдворным Шклоўскім тэатры Зорыча.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).