Мемарыял воінскай славы (Лудчыцы)

Помнік
Мемарыял Воінскай Славы
53°25′15″ пн. ш. 30°16′28″ у. д.
Краіна	Беларусь
Вёска	Лудчыцы
Скульптар	Уладзімір Міхайлавіч Лятун і Павел Кірылавіч Белавусаў
Архітэктар	Віталь Сцяпанавіч Бялянкін, Міхаіл Герасімавіч Мызнікаў, інжынер Б. Шчарбакоў
Дата пабудовы	1984 год
Статус	Гісторыка-культурная каштоўнасць Беларусі, шыфр 513Д000250
Медыяфайлы на Вікісховішчы

Мемарыял воінскай славы — памятная мясціна за 1,5 км ад Лудчыц (Быхаўскі раён Магілёўскай вобласці). Пабудаваны на Лудчыцкай вышыні, месцы жорсткіх баёў за вызваленне Беларусі ў 1943 і 1944 гадах. Адкрыты 24 чэрвеня 1984 года. Аўтары: скульптары П. Белавусаў і У. Лятун, архітэктары В. Бялянкін і М. Мызнікаў, інжынер Б. Шчарбакоў.

Архітэктура

Скульптура Баяна

Дамінанта мемарыяла -- пастаўленая на ўзгорку сімвалічная фігура Баяна (вышыня 10 м, сілумін), які апявае подзвіг ваяроў-герояў. Каля падножжа ўзгорку пляцоўка, па краі яе, на авальнага плану сцяне змешчаны гарэльефныя партрэты Герояў Савецкага Саюза, якім гэта званне нададзена за баі на Быхаўшчыне: I. А. Барысевіча, П. Д. Вінічэнкі, С. Іскаліева, У. К. Марцінава, Г. С. Размадзе, Г. Якубава (вышыня каля 3,5 м, бетон, мармуровая крошка); пад партрэтамі на абліцаванай чорным гранітам частцы сцяны імёны і званні герояў. На пляцоўцы размешчана гранітная пліта з бронзавай пяціканцовай зоркай і чашай для запальвання рытуальнага агню і абліцаваная гранітам стэла (вышыня каля 3 м) з інфармацыйным надпісам.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

Спасылкі

• На Вікісховішчы ёсць медыяфайлы па тэме Мемарыял воінскай славы (Лудчыцы)
• Мемарыял воінскай славы (Лудчыцы) на сайце Глобус Беларусі (руск.)