Менегацыя прадзіраўленая

З Вікіпедыі, свабоднай энцыклапедыі
(Пасля перасылкі з Мэнэгацыя прадзіраўленая)
Менегацыя прадзіраўленая
Навуковая класіфікацыя
Міжнародная навуковая назва

Menegazzia terebrata (Hoffm.) Massal.


Сістэматыка
на Віківідах

Выявы
на Вікісховішчы
ITIS  190704
NCBI  180482
EOL  1007999
MB  210768

Менегацыя прадзіраўленая (Menegazzia terebrata, Menegazzia pertusa) — від ліставатых лішайнікаў.

Слаявіна ліставатая, разеткападобная, часта аднабакова развітая або невыразнай формы, у цэнтры адмірае. Верхняя паверхня шаравата-зялёная, матавая, зрэдку злёгку бліскучая, голая, гладкая, з акруглымі або авальнымі дзіркамі, часта з галоўчата- або манжэтападобна расчлянёнымі саралямі. Ніжняя паверхня вельмі складкаватая, чорная, бліжэй да краёў крыху святлейшая, часам з чорнай аблямоўкай па краю слаявіны, без рызін.

Апатэцыі ўтвараюцца рэдка. Полавы працэс невядомы. Размнажаецца вегетатыўна (сарэдыямі).

Вільгацелюбны лішайнік. Пашырэнне: Сярэдняя і Атлантычная Еўропа, Скандынавія, Прыбалтыка, Карпаты, Урал, Каўказ, Заходняя Сібір, Далёкі Усход Расіі і Сахалін, Кітай, Японія, Мадагаскар, Паўночная і Паўднёвая Амерыка, Гавайскія астравы. У Беларусі трапляецца спарадычна. Расце на ствалах вольхі чорнай, радзей на ствалах грабу, асіны, бярозы пушыстай, у старых чорнаальховых прыручайна-травяных лясах, а таксама на бураломе і ствалах елак.

Спасылкі[правіць | правіць зыходнік]

Венерын чаравічак Гэты від занесены ў Чырвоную кнігу Беларусі і ахоўваецца законам.
статус віду не вызначаны