Мікалай Фядосіевіч Нізоўцаў

Мікалай Фядосіевіч Нізоўцаў
Народны камісар земляробства БССР 26 красавіка 1937 — 5 лістапада 1937
Кіраўнік урада	Мікалай Галадзед Даніла Валковіч Апанас Кавалёў
Папярэднік	Казімір Бенек
Пераемнік	Васіль Шышкоў
Нараджэнне	1896 Вялікі Усцюг, Велікаусцюжскі павет[d], Валагодская губерня, Расійская імперыя
Смерць	8 лютага 1938(1938-02-08) Менск, Менская вобласць, БССР, СССР
Партыя	УКП(б) (1918)

Мікала́й Фядо́сіевіч Нізо́ўцаў (Нізаўцо́ў) (1896, Вялікі Усцюг Валагодскай губерні — 8 лютага 1938, Мінск) — савецкі партыйны і дзяржаўны дзеяч, наркам земляробства БССР.

Біяграфія

Нарадзіўся ў 1896 годзе ў горадзе Вялікі Усцюг. З сям’і службоўца. Член КПСС з 1918 года.

З 26 красавіка 1937 года займаў пасаду народнага камісара земляробства Беларускай ССР. 29 ліпеня 1937 года быў вызвалены ад займанай пасады пастановай пленума ЦК КПБ(б). 4 лютага 1938 года быў арыштаваны ў Мінску па адрасе: вул. К. Маркса, д. 2, кв. 8. Быў выключаны з УКП(б) і 8 лютага быў асуджаны пазасудовым органам НКУС як «член антысавецкай дыверсійна-тэрарыстычнай арганізацыі «правых» да ВМП з канфіскацыяй маёмасці. Расстраляны.

15 снежня 1956 года быў рэабілітаваны ваеннай калегіяй Вярхоўнага Суда БССР. Асабовая справа Н. № 8173-с захоўваецца ў архіве КДБ Беларусі.

Літаратура

• НІЗОЎЦАЎ (НІЗАЎЦОЎ) Мікалай Федасеевіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.