Мікалай Цімафеевіч Гуціеў

Мікалай Цімафеевіч Гуціеў
Мікалай Цімафеевіч Гуціеў
Дата нараджэння	31 снежня 1912
Месца нараджэння	Растоў-на-Доне, Растоўская акруга[d], Вобласць Войска Данскога, Расійская імперыя;
Дата смерці	6 студзеня 2007 (94 гады)
Грамадзянства	Беларусь;
Род дзейнасці	графік
Месца працы	Беларусь; Беларуская дзяржаўная акадэмія мастацтваў;
Жанр	кніжная графіка, станковая графіка[d] і жывапіс
Вучоба	Маскоўскі дзяржаўны ўніверсітэт друку;
Узнагароды

Мікалай Цімафеевіч Гуціеў (31 снежня 1912, г. Растоў-на-Доне, Расія — 6 студзеня 2007) — беларускі графік. Заслужаны дзеяч мастацтваў Беларускай ССР (1968).

Біяграфія[правіць | правіць зыходнік]

Скончыў у 1961 годзе Маскоўскі паліграфічны інстытут. У Вялікую Айчынную вайну стварыў больш за 40 антыфашысцкіх плакатаў і больш за 70 малюнкаў і акварэлей (замалёўкі баявых аперацый, партрэты партызан).

У 1944—1972 гадах у выдавецтве «Беларусь», адначасова выкладаў у Беларускім тэатральна-мастацкім інстытуце.

Творчасць[правіць | правіць зыходнік]

Працаваў у кніжнай і станковай графіцы і жывапісе. Творы кніжнай графікі адметныя пераканаўчай характарыстыкай літ. вобразаў: ілюстрацыі да кніг «Люба Лук’янская» К. Чорнага (1961), зборніка партызанскай паэзіі «Лясныя песні» (1970), беларускіх народных казак «Ілюша, Іванаў сын» (1965), «Цудоўная дудка» (1967) і інш. Серыі «Наваполацкі нафтазавод» (1959), «Полацкая нафтабудоўля» (1962—1963) вылучаюцца выразнасцю кампазіцыйнай будовы, разнастайнасцю графічных сродкаў (аловак, туш, акварэль, лінагравюра). Па ваенных замалёўках выканаў лінагравюры «Беларусь — край партызанскі», «Памяць» (абедзве 1969), «Партызанскія будні», «Партызанскі аэрадром» (абедзве 1975) і інш.

Сярод жывапісных работ: «Нарада камбрыгаў і камісараў Полацка-Лепельскай партызанскай зоны» (1975), «Нарачанскае лета» (1982), «Мая Беларусь», серыі пейзажаў «Нарач», «Нясвіж», «Аксакаўшчына», партрэты герояў-партызан (усе 1983—1987) і інш.

Літаратура[правіць | правіць зыходнік]

Л. Ф. Салавей. Гуціеў Мікалай Цімафеевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
М. Ц. Гуціеў. Мінск, 1975.