Міксаспарыдыі

З Вікіпедыі, свабоднай энцыклапедыі
Міксаспарыдыі

Споры Alataspora solomoni
Навуковая класіфікацыя
Міжнародная навуковая назва

Myxosporea Bütschli, 1881

Сінонімы
  • Actinomyxea[1]
  • Actinosporea[1]
Атрады[1]

Сістэматыка
на Віківідах

Выявы
на Вікісховішчы
ITIS  46169
NCBI  35582

Міксаспарыдыі, слізістыя спаравікі (Myxosporea) — клас (атрад) прасцейшых (існуюць іншыя класіфікацыі).

Апісанне[правіць | правіць зыходнік]

Цысты Henneguya zschokkei ў мясе ласося

Дарослыя міксаспарыдыі, якія жывуць у поласцях органаў, — амёбападобыыя шмат’ядравыя плазмодыі, памеры іх вар’іруюць ад некалькіх дзесяткаў мкм да 2 см. Міксаспарыдыі, якія жывуць у тканках, утвараюць цысты, пухліаы памерамі да 2 см у дыяметры, запоўненыя цытаплазмай і шматлікімі ядрамі (вегетатыўнымі і генератыўнымі). Вегетатыўныя ядры вызначаюць абменныя працэсы, сінтэз бялкоў, рост і інш. 3 генератыўыых ядраў і плазмы ўтвараюцца споры.

Пашырэнне[правіць | правіць зыходнік]

У сусветнай фаўне больш за 1000 відаў. На Беларусі найбольш вядомы міксасома мазгавая (Myxobolus cerebralis) і міксаболюс карпавы (Myxobolus cyprini) — узбуджальнікі міксаспарыдыезаў рыб, а таксама міксапратэус хвастаты (Myxoproteus caudatus), міксідыум цёмны (Myxidium obscurum). Тканкавыя або поласцевыя паразіты рыб, пашкоджваюць жабры, скуру, мышцы, жоўцевы і мачавы пузыры, нярвовую сістэму і інш. (ніколі не паразітуюць у поласці кішэчніка).

Жыццёвы цыкл[правіць | правіць зыходнік]

Жыццёвы цыкл міксаспарыдый характарызуецца спараганіяй і полавым працэсам. У спорах ёсць зародак і капсулы з жыгучымі вінтападобна закручанымі ніткамі, якія служаць для прымацавання да сценак кішачніка рыб. Полавы працэс тыпу аўтагаміі — зліццё 2 гаплоідных ядраў пры ўтварэнні зародка са споры. Рыба заражаецца пераважна вясной і летам пры заглынанні разам з вадой спораў, з якіх у кішэчніку выходзяць амёбападобныя зародкі. Па крыві зародкі трапляюць у органы і тканкі і развіваюцца ў дарослых асобін.

Зноскі

  1. а б в Падклас Міксаспарыдыі у Сусветным рэестры марскіх відаў (World Register of Marine Species) (англ.) (Праверана 17 лютага 2013).

Літаратура[правіць | правіць зыходнік]