Мікіта Іосіфавіч Перавознікаў

Мікіта Іосіфавіч Перавознікаў
Дата нараджэння	27 студзеня 1908(1908-01-27)
Месца нараджэння	Чачэвічы, Быхаўскі павет, Магілёўская губерня, Расійская імперыя
Дата смерці	6 кастрычніка 1966(1966-10-06) (58 гадоў)
Месца смерці	Домнава[d], Калінінградская вобласць, РСФСР, СССР
Месца пахавання	Домнава[d]
Прыналежнасць	СССР
Род войскаў	пяхота
Званне	старшы сяржант
Бітвы/войны	Вялікая Айчынная вайна
Узнагароды і званні	Ордэн Славы Ордэн Славы Ордэн Славы

Мікіта Іосіфавіч Перавознікаў (1908—1966) — удзельнік Вялікай Айчыннай вайны, поўны кавалер ордэна Славы.

Біяграфія

Нарадзіўся 14 студзеня (27 студзеня па новаму стылю) 1908 года ў вёсцы Чачэвічы Расійскай імперыі, цяпер Быхаўскага раёна Магілёўскай вобласці Беларусі ў сялянскай сям’і. Беларус.

Скончыў пяць класаў школы, затым — курсы жывёлаводаў і ветэрынарных фельчараў. Працаваў брыгадзірам, затым загадчыкам фермы. З 1939 па жнівень 1941 года быў камандзірам ветэрынарнага ўзвода пры Магілёўскім абласным упраўленні міліцыі. У шэрагах Чырвонай Арміі з 1930 па 1933 год, са жніўня 1941 па студзень 1942 года і з лютага 1944 года. У лютым-ліпені 1942 года знаходзіўся ў акружэнні.. З ліпеня 1942 па люты 1944 года — камандзір аддзялення 425-га партызанскага атрада 11-й быхаўскай брыгады.

Памочнік камандзіра ўзвода 244-га гвардзейскага стралковага палка (82-я гвардзейская стралковая дывізія, 8-я гвардзейская армія, 1-ы Беларускі фронт) гвардыі старшы сяржант Перавознікаў 19 жніўня 1944 года падчас бою на паўднёвым захадзе ад горада Магнушаў (Польшча) адным з першых уварваўся ў траншэю праціўніка, з асабістай зброі ліквідаваў 6 гітлераўцаў. Быў паранены, але застаўся ў страі.

Загадам па 82-й гвардзейскай стралковай дывізіі ад 16 верасня 1944 года старшы сяржант Перавознікаў Мікіта Іосіфавіч узнагароджаны ордэнам Славы 3-й ступені.

Разведчык таго ж палка Перавознікаў у складзе групы захопу 21 снежня 1944 года ў раёне населенага пункта Зосін (на паўднёвым захадзе ад горада Варка, Польшча) пранікнуў у размяшчэнне ворага, гранатамі знішчыў двух кулямётчыкаў, прыкрыў адыход групы разведчыкаў, захапіў у палон гітлераўца.

Загадам па 8-й гвардзейскай арміі ад 13 студзеня 1945 года гвардыі старшы сяржант Перавознікаў Мікіта Іосіфавіч узнагароджаны ордэнам Славы 2-й ступені.

22 студзеня ў баі па ліквідацыі акружанай групіроўкі праціўніка ў горадзе Познань (Польшча) пры штурме крэпасці Цытадэль гвардыі старшы сяржант Перавознікаў разам з байцамі скрытна пранікнуў у дом, дзе знішчыў 14 варожых салдат і афіцэраў. Адразу ж павёў групу аўтаматчыкаў на наступны ўмацаваны пункт гітлераўцаў. Вораг спрабаваў вярнуць страчаныя пазіцыі. Адбіваючы контратакі, байцы групы Перавознікава знішчылі яшчэ 9 фашыстаў.

Указам Прэзідыума Вярхоўнага Савета СССР ад 15 мая 1946 года за мужнасць, адвагу і гераізм гвардыі старшы сяржант Перавознікаў Мікіта Іосіфавіч узнагароджаны ордэнам Славы 1-й ступені.

У 1945 годзе М. І. Перавознікаў быў дэмабілізаваны. Вярнуўшыся на радзіму, працаваў старшынёй калгаса. З 1948 года жыў у вёсцы Домнава Праўдзінскага раёна Калінінградскай вобласці, дзе працаваў брыгадзірам паляводчай брыгады, затым старшынёй калгаса і загадчыкам клуба. Член КПСС з 1950 года.

Памёр 6 кастрычніка 1966 года. Пахаваны ў вёсцы Домнава Праўдзінскага раёна.

Узнагароды

• Узнагароджаны ордэнамі Славы 1-й (15 мая 1946, № 1725), 2-й (13 студзеня 1945, № 7032) і 3-й (16 верасня 1944 г., № 239860) ступеняў, а таксама медалямі.

Літаратура

• Долготович Б. Д. Кавалеры ордена Славы. — Минск, 2006.
• Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.

Спасылкі

• Мікіта Іосіфавіч Перавознікаў на сайце «Героі краіны»
• Перевозников Мікіта Іосіфавіч