Ордэн Славы

З пляцоўкі Вікіпедыя
Jump to navigation Jump to search
Ордэн Славы
I ступені
Order of Glory Ribbon Bar.png OrderOfGlory1stClass.png
II ступені
Order of Glory Ribbon Bar.png Order of Glory 2nd class.jpg
III ступені
Order of Glory Ribbon Bar.png Order of Glory 3rd class.jpg
Краіна Flag of the Soviet Union.svg СССР
Тып ордэн
Статус не ўручаецца
Статыстыка
Параметры Дыяметр 46 мм
Дата заснавання 8 лістапада 1943
Першае ўзнагароджанне 28 лістапада 1943
Колькасць узнагароджанняў больш 1 млн
Чарговасць
Старэйшая ўзнагарода Ордэн «За асабістую мужнасць»
Малодшая ўзнагарода Ордэн Працоўнай Славы I ступені
Commons-logo.svg Ордэн Славы на Вікісховішчы

Ордэн Славы — ваенны ордэн СССР, заснаваны Указам Прэзідыума ВС СССР ад 08.11.1943 «Аб зацвярджэнні ордэна Славы I, II і III ступеняў». Узнагароджваліся асобы радавога i сяржанцкага складу Чырвонай Арміі, а ў авіяцыі і асобы, якія мелі званне малодшага лейтэнанта. Уручаўся толькі за асабістыя заслугі, воінскія часці і злучэнні ім не ўзнагароджваліся (за адным адзіным выключэннем — узнагароджаны ордэнам быў 1-ы батальён 215 гвардзейскага полка[1]).

Ордэн Славы па сваім статуце і колеры стужкі амаль цалкам паўтараў адну з самых шанаваных у дарэвалюцыйнай Расіі узнагарод — Георгіеўскі крыж (сярод адрозненняў — розная колькасць ступеняў: 3 і 4 адпаведна).

Ордэн Славы меў тры ступені, з якіх ордэн найвышэйшай I ступені — залаты, а II і III — сярэбраныя (у ордэна ІІ ступені быў пазалочаны цэнтральны медальён). Гэтыя знакі адрознення маглі быць выдадзены за асабісты подзвіг на полі бою, выдаваліся ў парадку строгай паслядоўнасці — ад ніжэйшай ступені да вышэйшай.

Усяго за адзнаку ў гады Вялікай Айчыннай вайны было выдадзена каля мільёна знакаў ордэна Славы III ступені, больш за 46 тысяч — II ступені і 2562 — I ступені.

Поўныя кавалеры ордэна — лётчык штурмавога авіяцыйнага полка Іван Рыгоравіч Драчэнка, марскі пяхотнік Павел Хрыстафоравіч Дубінда і артылерысты Мікалай Іванавіч Кузняцоў, Андрэй Васільевіч Алёшын у гады вайны таксама ўдастоіліся і звання Героя Савецкага Саюза.

Усяго поўных кавалераў ордэна Славы, па больш позніх і ўдакладзеных даных, налічваецца 2562 чалавекі, сярод іх — чатыры жанчыны.

Поўныя кавалеры ордэна, ураджэнцы Беларусі[правіць | правіць зыходнік]

Зноскі

Гл. таксама[правіць | правіць зыходнік]

Спасылкі[правіць | правіць зыходнік]