Мінская міжнародная кніжная выстаўка-кірмаш
![](http://upload.wikimedia.org/wikipedia/be/thumb/3/3d/%D0%9C%D1%96%D0%BD%D1%81%D0%BA%D0%B0%D1%8F_%D0%BC%D1%96%D0%B6%D0%BD%D0%B0%D1%80%D0%BE%D0%B4%D0%BD%D0%B0%D1%8F_%D0%BA%D0%BD%D1%96%D0%B6%D0%BD%D0%B0%D1%8F_%D0%B2%D1%8B%D1%81%D1%82%D0%B0%D1%9E%D0%BA%D0%B0-%D0%BA%D1%96%D1%80%D0%BC%D0%B0%D1%88_%28%D0%BB%D0%B0%D0%B3%D0%B0%D1%82%D1%8B%D0%BF%29.jpg/220px-%D0%9C%D1%96%D0%BD%D1%81%D0%BA%D0%B0%D1%8F_%D0%BC%D1%96%D0%B6%D0%BD%D0%B0%D1%80%D0%BE%D0%B4%D0%BD%D0%B0%D1%8F_%D0%BA%D0%BD%D1%96%D0%B6%D0%BD%D0%B0%D1%8F_%D0%B2%D1%8B%D1%81%D1%82%D0%B0%D1%9E%D0%BA%D0%B0-%D0%BA%D1%96%D1%80%D0%BC%D0%B0%D1%88_%28%D0%BB%D0%B0%D0%B3%D0%B0%D1%82%D1%8B%D0%BF%29.jpg)
Мі́нская міжнаро́дная кні́жная вы́стаўка-кірма́ш — беларускі кніжны форум, які арганізуюць Міністэрства інфармацыі, Мінскі гарвыканкам, Саюз пісьменнікаў Беларусі.
Гісторыя
[правіць | правіць зыходнік]XXVI Мінская міжнародная кніжная выстаўка-кірмаш прайшла 6—10 лютага 2019 года пры ўдзеле Міністэрства замежных спраў, Міністэрства адукацыі, Міністэрства культуры, ААТ «Белкніга», ТАА «Макбел». Была прысвечана Году малой радзімы і ІІ Еўрапейскім гульням, а таксама юбілеям класікаў беларускай літаратуры і памятным гістарычным датам Беларусі. Праведзена на пляцоўках выставачнага комплексу, у кніжных магазінах, бібліятэках і музеях, былі арганізаваны літаратурныя экскурсіі, паэтычныя маршруты і тэматычныя семінары. Абмяркоўваліся сусветныя тэндэнцыі ў афармленні кніг, краўдфандынг, літаратурная крытыка і блогінг, работа ў сацыяльных сетках і іншыя пытанні кніжнай галіны.
У час выстаўкі арганізаваны сустрэчы з аўтарамі, выдаўцамі, мастакамі, прэзентацыі кніг, круглыя сталы, аўтограф-сесіі, майстар-класы, працавала дзіцячая пляцоўка. Экспазіцыя «Друкарскі двор XVI стагоддзя» прадэманстравала ўнікальную абстаноўку старадаўняга друкарскага двара. Адбыўся міжнародны сімпозіум літаратараў «Пісьменнік і час» з удзелам аўтараў з краін блізкага і далёкага замежжа, а таксама семінар маладых літаратараў і перакладчыкаў. Прайшла ўрачыстая цырымонія ўзнагароджання пераможцаў 58-га нацыянальнага конкурсу «Мастацтва кнігі» і конкурсу маладых літаратараў «Першацвет». Пачэсным госцем форуму сталі Злучаныя Штаты Амерыкі[1][2].
Зноскі
- ↑ "XXVI Мінская міжнародная кніжная выстаўка-кірмаш". «Звязда». 1 лютага 2019. Праверана 2019-02-06.
- ↑ "Менская міжнародная кніжная выстава-кірмаш пройдзе 6-10 лютага". Беларускае Радыё Рацыя. Праверана 2019-02-06.
Спасылкі
[правіць | правіць зыходнік]На Вікісховішчы ёсць медыяфайлы па тэме Мінская міжнародная кніжная выстаўка-кірмаш
У іншым моўным раздзеле ёсць паўнейшы артыкул Менская міжнародная кніжная выстава-кірмаш(бел. (тар.)) |