Місхор

Місхор (укр.: Місхор, крымскатат.: Mishor) — кліматычны курорт на паўднёвым беразе Крыма. За 12 км ад г. Ялта, у складзе г.п.Карэіз. Каля 7 км галечнага пляжа. Асноўны лекавы фактар — клімат міжземнаморскага тыпу. Клімата- і таласатэрапія эфектыўныя пры лячэнні функцыянальных разладаў сардэчна-сасудзістай і нервовай сістэм. Санаторыі, у т.л. «Беларусь», дамы адпачынку, пансіянаты, лячэбныя ўстановы. Помнік М. А. Багдановічу. Паблізу архітэктурны помнік «Ластаўчына гняздо», Ай-Петры.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).